Мечыслаў Эдвардавіч Часноўскі

Мечыслаў Эдвардавіч Часноўскі (нар. 18 мая 1948, в. Коцеўшчына, Валожынскі раён Мінскай вобласці) — беларускі гісторык, дыпламат. Доктар гістарычных навук (2001).

Біяграфічныя звесткіПравіць

У 1972 годзе скончыў гістарычны факультэт Белдзяржуніверсітэта. У 1985-93 — намеснік дэкана гістарычнага факультэта, дэкан факультэта павышэння кваліфікацыі БДУ. У 1993-96 — на дыпламатычнай рабоце ў Міністэрстве замежных спраў Рэспублікі Беларусь. Працаваў саветнікам, Часовым Павераным у справах Рэспублікі Беларусь у Рэспубліцы Польшча. З 1996 — зноў у БДУ. Адзін са стваральнікаў факультэта міжнародных адносін, намеснік дэкана, дацэнт, а з 2001 прафесар кафедры міжнародных адносін. З лістапада 2002 — рэктар Брэсцкага дзяржаўнага ўніверсітэта імя А. С. Пушкіна.

Выбраная бібліяграфіяПравіць

  • Постсацыялістычныя краіны на шляху пераўтварэнняў і еўрапейскай інтэграцыі: вучэбн. дапаможнік / М. Э. Часноўскі. — Мн.: Веды, 1997. — 120 с. — ISBN 985-6390-36-2.
  • Эвалюцыя грамадскага ладу і міжнароднай палітыкі сучаснай Польшчы // Белорусский журнал международного права и международных отношений. — 1998. — № 2.
  • Палітыка Расіі адносна краін Цэнтральнай і Усходняй Еўропы: погляд з Варшавы // Белорусский журнал международного права и международных отношений. — 1998. — № 4.
  • Беларускі аспект усходняй палітыкі Польшчы ў 1996—1999 гг. // Белорусский журнал международного права и международных отношений. — 2000. — № 2.
  • Праблема рэгіянальнай стабільнасці ў Цэнтральнай і Усходняй Еўропе ў канцы XX ст. // Белорусский журнал международного права и международных отношений. — 2000. — № 3.
  • Еўрарэгіёны і іх роля ў постсацыялістычным развіцці краін Цэнтральнай і Усходняй Еўропы // Беларусь в современном мире: материалы I Республиканской научной конференции, 22—23 октября 2002 г. / редкол.: А. В. Шарапо [и др.]. — Минск: БГУ, 2003.