Мокен

Мо́кен (саманазва: Mawken, тайск.: ชาวเล) — група аўстранезійцаў, карэнныя насельнікі архіпелага М'ёй у М'янме і ўзбярэжжа Андаманскага мора ў Тайландзе. З-за вандроўнага ладу жыцця ў лодках іх часцяком клічуць марскімі цыганамі або марскімі качэўнікамі. Агульная колькасць (2017 г.) - каля 6 800 чал.[1]

Мокен
(Mawken)
Moken kids.jpg
Дзеці
Агульная колькасць 6800 (2017)
Рэгіёны пражывання Flag of Myanmar.svg М’янма, Flag of Thailand.svg Тайланд
Мова мокен
Рэлігія анімізм, культ продкаў, будызм
Блізкія этнічныя групы Аранг-Лаўт
Рассяленне марскіх качэўнікаў на паўднёвым усходзе Азіі.
     Аранг-Лаўт     Мокен     Баджа

Паходжанне мокен да канца не высветлена. У другой палове XX ст. высоўваліся версіі, што яны з'яўляюцца нашчадкамі старажытных аўстралоідаў або маюць агульнае паходжанне з Аранг-Лаўт. Згодна вуснай традыцыі, з'явіліся на ўзбярэжжы Андаманскага мора ў сярэднявеччы па запрашэнню валадара Бірмы.

Мокен падзяляюцца на тры родава-тэрытарыяльныя групы з асабістымі саманазвамі. У мінулым разглядаліся як частка Аранг-Лаўт, хаця не атаесамлялі сябе з гэтым малакскім народам. Прынятая ў нашы дні ў якасці агульнай назва мокен належыць самай вялікай родава-тэрытарыяльнай групе.

Мокен традыцыйна жывуць у доўгіх лодках kabang[2], займаюцца рыбалоўствам, паляваннем і збіральніцтвам на беразе. У мінулым рубілі лес, гандлявалі караламі. У наш час большасць аддае перавагу сталаму жыццю ў вёсках, якія будуюць на па́лях на беразе мора.

Вернікі захоўваюць анімістычныя традыцыі і культ продкаў.

У 2005 годзе СМІ вылучалі вялікую ўвагу астравfv дзе жывуць мокен падчас аднаўлення пасля цунамі ў Паўднёва-Усходняй Азіі, які забраў сотні тысяч жыццяў. Дзякуючы ведам мокен пра мора, змаглі выратавацца мноства людзей падчас цунамі 2004 года[3].

Зноскі

  1. Moken
  2. The Moken Kabang
  3. Leung,Rebecca. Sea Gypsies See Signs In The Waves , 60 Minutes, CBS News (25 December 2005).

Гл. таксамаПравіць

СпасылкіПравіць