Мсціслаў Данілавіч (—пасля 1292) — князь луцкі (1264—пасля 1292), Валынскі (1288—пасля 1292).

Мсціслаў Данілавіч
Князь луцкі
1264 — пасля 1292
Пераемнік Юрый Львовіч
сцяг
Князь уладзімірскі
1288 — пасля 1292
Папярэднік Уладзімір Васількавіч
Пераемнік Леў Данілавіч
 
Нараджэнне XIII стагоддзе
Дынастыя Раманавічы[d]
Бацька Даніла Раманавіч
Жонка дачка хана Цягака
Дзеці Расціслаў Мсціславіч, Даніла Мсціславіч

БіяграфіяПравіць

Сын галіцкага кн. Данілы Раманавіча.

У 1273 годзе разам са старэйшым братам кн. Львом узначальваў паход у дапамогу Баляславу Сарамліваму, у той час як Уладзімірскі кн. Уладзімір Васількавіч супрацьстаяў яцвягам. Пасля вяртання з польскага паходу князі паслалі войскі на чале з ваяводамі ў паход на яцвягаў, які быў паспяховым.

У галіцка-валынска-ардынскім паходзе на Літву ўзімку 1274/1275 гадоў Мсціслаў дзейнічаў у Палессі, у паходзе 1277/1278 гадоў частка луцкіх і галіцкіх сіл пацярпелі паражэнне пад Ваўкавыскам. Рускім князям прыйшлося здаволіцца вяртаннем палонных і пакінуць літоўскія ўладанні. У 1280 годзе па ініцыятыве Льва Данілавіча быў праведзены сумесны з ардынцамі Нагая паход пад Сандамір. Валынскія князі ўдзельнічалі ў паходзе прымусова (паводле рускага летапісу), іх войскі паводзілі сябе пасіўна, галіцкае войска пры спробе развіць наступ на Кракаў было разбіта пад Газліцай. У 1285 годзе Мсціслаў удзельнічаў у галіцка-ардынскім паходзе ў Венгрыю з Нагаем і Тула-Бугам, у 1286 з Тула-Бугам пад Сандамір, у 1287 з Тула-Бугам і Алгуем таксама ў Польшчу.

У 1288 годзе атрымаў у спадчыну Уладзімір-Валынскі і Бярэсце пасля смерці Уладзіміра Васількавіча. Леў быў незадаволены завяшчаннем свайго стрыечнага брата, і яго сын Юрый нават на некаторы час заняў Бярэсце. У 1289 годзе Мсціслаў атрымаў ад літоўскіх князёў Будзікіда і Будзівіда Ваўкавыск, у тым жа годзе дапамог Конраду Мазавецкаму захапіць Сандамір.

Мсціслаў памёр без спадчыннікаў (яго адзіны сын, Данііл Мсціславіч памёр да смерці бацькі), Валынь адышла да Льва Данілавіча, луцкім князем стаў Юрый Львовіч.

Шлюб і дзеціПравіць

Жонка — дачка палавецкага хана Цягака (з 1253 года).

Дзеці

  • Расціслаў (пасля 1253 — пасля 1277), згадваецца адзін раз пад 1277 годам («прибеже Ра[с]тиславко Мьстиславль нагъ и босъ»), калі браў удзел у паходзе на Гродна
  • Даніла (пасля 1264 — пасля 1280), згадваецца адзін раз зімою 1279—1280 гадоў, калі браў удзел у паходзе на Кракаў

Зноскі

СпасылкіПравіць