Мсціслаў Усеваладавіч

Мсціслаў Усеваладавіч — князь гарадзенскі ў XII стагоддзі.

Мсціслаў Усеваладавіч
Смерць	не раней за 1183
Род	Рурыкавічы
Бацька	Усеваладка
Маці	Агаф’я Уладзіміраўна[d]

Біяграфічныя звесткі

Сын Усевалада Давыдавіча. У 1167 годзе дапамог валынскаму князю Мсціславу Ізяславічу заняць кіеўскі пасад. У 1168 (1167?) удзельнічаў у паходзе Мсціслава на полаўцаў. Пасля таго як у 1169 годзе Андрэй Багалюбскі захапіў Кіеў, Мсціслаў Усеваладавіч у 1170 годзе дапамог Мсціславу Ізяславічу на кароткі час аднавіць уладу над горадам: верагодна, хадзіў на полаўцаў, бо яго тысяцкі быў імі захоплены ў палон. У 1173 (1174?), пэўна, быў сярод гарадзенскіх князёў, якіх Багалюбскі прымусіў удзельнічаць у паходзе на Кіеў. Хадзіў на полаўцаў у 1183 (1184?) у складзе войска вялікага князя кіеўскага Святаслава Усеваладавіча.

Адны даследчыкі атаясамліваюць Гарадзен, якім валодаў Мсціслаў Усеваладавіч, з сучасным г. Гродна, другія — з в. Гарадная (Столінскі раён) або лакалізуюць яго на Валыні.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).