Мікалай Крыштаф Сапега

Мікалай Крыштаф Сапега
Мікалай Крыштаф Сапега
	Mikołaj Krzysztof Sapieha
	; Герб «Ліс»
Польны пісар літоўскі
	1639 — 1639
Папярэднік	Аляксандр Гасеўскі
Пераемнік	Уладзіслаў Валовіч
Нараджэнне	1613
Смерць	2 чэрвеня 1639; Вільня, Віленскі павет, Віленскае ваяводства, Вялікае Княства Літоўскае, Рэч Паспалітая;
Месца пахавання	Касцёл Святога Духа і кляштар дамініканцаў (Вільнюс);
Род	Сапегі
Бацька	Крыштаф Стэфан Сапега
Маці	Ганна з Галоўчынскіх[d]
Жонка	Сюзана з Гасеўскіх[d]
Дзеці	Ежы Сапега і Ганна з Сапегаў[d]

Мікалай Крыштаф Сапега (1613 — 2 чэрвеня 1639, Вільня) — вялікалітоўскі дзяржаўны і ваенны дзеяч. Польны пісар літоўскі (у 1639).

Біяграфія Правіць

Паходзіў з чарэйскай лініі Сапегаў, сын Крыштафа Стэфана і Ганны з Галоўчынскіх. Пасля смерці бацькі ў 1627 годзе выхоўваўся дзядзькам Аляксандрам Дажбогам Сапегам. У 1634 годзе вучыўся ў калегіуме Навадворскага ў Кракаве.

У 1638 годзе быў паслом на Трыбунал Вялікага Княства Літоўскага і яго маршалкам, а ў 1639 годзе атрымаў урад польнага літоўскага пісара.

У 1637 годзе ажаніўся з Сюзанай (пам. 1660), дачкой смаленскага ваяводы Аляксандра Гасеўскага. Меў сына Ежы, палкоўніка каралеўскага.

Памёр 2 чэрвеня 1639 года ў Вільні, магчыма, атручаны жонкай. Сюзана пасля смерці мужа ўзяла другі шлюб з троцкім кашталянам Янам Анзельмам Вільчкам.