Мікалай Міронавіч Плескацэвіч

Мікалай Міронавіч Плескацэвіч (нар. 11 сакавіка 1941, в. Мінічы, Ляхавіцкі раён, Брэсцкая вобласць) — беларускі педагог, спецыяліст у галіне агульнай педагогікі. Кандыдат педагагічных навук (1969), прафесар (1996).

Мікалай Міронавіч Плескацэвіч
Дата нараджэння	11 сакавіка 1941(1941-03-11) (83 гады)
Месца нараджэння	Мінічы, Ганчароўскі сельсавет, Ляхавіцкі раён, Баранавіцкая вобласць, БССР, СССР
Грамадзянства	Беларусь
Месца працы	Міністэрства адукацыі Рэспублікі Беларусь БДПУ Баранавіцкі дзяржаўны ўніверсітэт
Навуковая ступень	кандыдат педагагічных навук
Навуковае званне	прафесар
Альма-матар	БДПУ
Узнагароды	Заслужаны работнік народнай адукацыі Беларускай ССР[d] Выдатнік народнай асветы БССР[d] Ганаровая грамата Савета Міністраў Рэспублікі Беларусь (1997) Ганаровая грамата Савета Міністраў Рэспублікі Беларусь (2001)

Біяграфія

Скончыў Мінскі дзяржаўны педагагічны інстытут імя А. М. Горкага (спецыяльнасць «Філалогія», 1963; аспірантура, спецыяльнасць «Педагогіка», 1968).

Працаваў у Міністэрстве адукацыі Рэспублікі Беларусь (1990—1993 — начальнік упраўлення вну і педагагічнай адукацыі, 2002—2006 — кансультант упраўлення вышэйшай і сярэдняй спецыяльнай адукацыі), Рэспубліканскай дзяржаўнай інспекцыі сістэмы адукацыі Рэспублікі Беларусь (1999—2002, начальнік), Беларускім дзяржаўным педагагічным універсітэце імя М. Танка (1969—1990, 1993—1999 і 2006—2015, прафесар кафедры педагогікі, у 1985—1986 — загадчык кафедры, 1986—1990 — дэкан музычна-педагагічнага факультэта, 1993—1999 — першы прарэктар), Баранавіцкім дзяржаўным універсітэце (па сумяшчальніцтве; 2013—2015, прафесар, загадчык кафедры педагогікі).

Навуковыя інтарэсы: праблемы дыдактыкі, тэорыі і методыкі прафесійнай адукацыі.

Узнагароды

Званне «Заслужаны работнік народнай адукацыі Беларускай ССР» (1991), знак «Выдатнік народнай асветы» (1986), ганаровыя граматы Савета Міністраў Рэспублікі Беларусь (1997, 2001) і інш.

Бібліяграфія

• Эвристическая беседа и ее роль в процессе обучения (на материале предметов гуманитарного цикла в средних классах школы) : автореферат диссертации … кандидата педагогических наук : 730 / Н. М. Плескацевич. — Минск, 1969.

Літаратура

• Плескацэвіч Мікалай Міронавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 423. — 10 000 экз. — ISBN 985-11-0035-8. — ISBN 985-11-0198-2 (т. 12). Памылковая інфармацыя: кандыдат педагагічных навук (1989).