Мітылена

Мітыле́на, або Мітылі́ні (грэч. Μυτιλήνη) — горад, адміністрацыйны цэнтр грэчаскага вострава Лесбас. Насельніцтва (2011 г.) — 27 871 чалавек.

Горад Мітылена грэч. Μυτιλήνη Краіна Грэцыя Каардынаты 39°06′29,10″ пн. ш. 26°33′24,40″ у. д. Першая згадка 9 стагоддзе да н.э. Плошча 107,46 км² Вышыня цэнтра 8 м Тып клімату міжземнаморскі клімат Афіцыйная мова грэчаская Насельніцтва 27871 чалавек (2011) Нацыянальны склад грэкі Канфесійны склад праваслаўныя Часавы пояс UTC+2, летам UTC+3 Тэлефонны код 22510 Паштовы індэкс 81100 Аўтамабільны код MY Афіцыйны сайт mytilene.gr (грэч.) Мітылена на карце Грэцыі

Медыяфайлы на Вікісховішчы

Гісторыя

Старажытныя грэкі лічылі, што назва Мітылены паходзіць ад імя дачкі Макара, старажытнага валадара Лесбаса. У канцы 2 тысячагоддзя да н. э. або ў пачатку 1 тысячагоддзя да н. э. Лесбас быў каланізаваны эалійцамі, якія стварылі шэраг полісаў. У класічны перыяд Мітыленскі поліс займаў большую частку вострава. Яго росквіт абумовілі рэформы Пітака, аднаго з сямі мудрацоў Старажытнай Грэцыі. З Мітылены паходзілі вядомыя старажытнагрэчаскія пісьменнікі Лесх, Сапфо і Геланік.

У 427 г. да н. э. Мітылена была захоплена Афінскім флотам. Афіняне ліквідавалі самастойнасць поліса, а землі падзялілі паміж каланістамі з Атыкі. У 62 г. да н. э. статус свабоднага горада быў адноўлены Пампеям. У рымскі час Мітылена перажыла новы перыяд росквіту. З'яўлялася важным ваенным і адміністрацыйным цэнтрам у складзе Візантыі і Асманскай Порты. З 8 лістапада 1912 г. далучана да Грэцыі.

Спасылкі

• На Вікісховішчы ёсць медыяфайлы па тэме Мітылена
• Афіцыйны сайт
• Гісторыя і міфалогія