Міхаіл Мікалаевіч Шыманскі

Міхаіл Мікалаевіч Шыма́нскі (7 жніўня 1935, в. Пешкі, Бярозаўскі раён, Брэсцкая вобласць) — беларускі журналіст. Заслужаны работнік культуры БССР (1985).

Міхаіл Мікалаевіч Шыманскі
Асабістыя звесткі
Дата нараджэння	7 жніўня 1935(1935-08-07) (89 гадоў)
Месца нараджэння	Пешкі, Пружанскі павет, Палескае ваяводства, Польская Рэспубліка
Альма-матар	БДУ
Прафесійная дзейнасць
Род дзейнасці	журналіст, публіцыст, кінасцэнарыст
Прэміі
Узнагароды

Біяграфія

Скончыў у 1963 годзе БДУ. З 1961 года працаваў у газеце «Звязда», з 1970 года ўласны карэспандэнт па Беларусі газеты «Известия», з 1994 года ў газеце «Рэспубліка».

Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998, у сааўтарстве) — за цыкл публіцыстычных артыкулаў «Беларусь. Час i людзi ў роздуме журналiстаў»

Творчасць

Друкуецца з 1950 года. Аўтар кнігі нарысаў і публіцыстыкі «Чуем вашы крокі» (1977), «Прага вышыні», «Зямля, дзе я жыву» (абедзве 1980), «Людзі, людзі — зямныя зоркі» (1982), «Без права на памылку» (1985), «Зярняты і зоркі» (1986), «Не спыніся на шляху» (1988), «Тры бярозкі каля агню» (1989), «Добры дзень, Кітай!» (2001), «Кітай з адкрытым сэрцам» (2002), сцэнарыяў дакументальных фільмаў і інш.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).