Міхаіл Сафронавіч Рогаў
Міхаіл Сафронавіч Рогаў (17 кастрычніка 1916[1] — 25 кастрычніка 1944) — савецкі ваеннаслужачы, удзельнік Вялікай Айчыннай вайны. Герой Савецкага Саюза (24 сакавіка 1945 года)[1].
Міхаіл Сафронавіч Рогаў | |
---|---|
Дата нараджэння | 17 кастрычніка 1916 |
Месца нараджэння | |
Дата смерці | 25 кастрычніка 1944 (28 гадоў) |
Месца смерці | |
Месца пахавання | |
Грамадзянства | |
Прыналежнасць | СССР |
Род войскаў | кавалерыя |
Гады службы | 1939—1945 |
Званне | старшыня |
Бітвы/войны | Вялікая Айчынная вайна |
Узнагароды і званні |
Біяграфія правіць
Рогаў М. С., беларус па нацыянальнасці, нарадзіўся ў вёсцы Верхняя Алба ў сялянскай сям’і. Пасля заканчэння шасці класаў працаваў у калгасе. У шэрагі Чырвонай Арміі ўступіў у 1939 годзе[1].
Удзельнічаў у Вялікай Айчыннай вайне з 1941 года. Ваяваў на Паўднёвым, Паўднёва-Заходнім і 2-м Украінскім франтах[2]. Старшыня Рогаў М. С. быў старшынёй эскадрону 223-га кавалерыйскага палка (63-я кавалерыйская дывізія, 5-й гвардзейскі кавалерыйскі корпус, 2-й Украінскі фронт), калі 29 жніўня 1944 года ўдзельнічаў у прарыве значна умацаванай абароны ворага каля горада Ясы. Узначаліўшы добраахвотніцкую групу, якая ўключала, акрамя яго, трох чалавек, Рогаў змог, скрытна абыйшоўшы ўмацаванні праціўніка з флангу і пераадолеўшы міннае поле, атакаваць траншэю ворага, знішчыўшы пры гэтым разлік станковага кулямёта і дот і садзейнічаў паспяховаму руху палка наперад. 24 сакавіка 1945 года Рогаву М. С. было прысвоена званне Героя Савецкага Саюза[1][2].
25 кастрычніка 1944 года, пры вызваленні Венгрыі, Рагоў загінуў у баі і быў пахаваны ў горадзе Надькала[1].
Памяць правіць
Імем Рогава М. С. названая сярэдняя школа на яго радзіме[1][3]. У 1967 годзе на будынку гэтай школы ўсталявалі ў гонар Рогава мемарыяльную дошку[2].
Мемарыяльная дошка Герою Савецкага Саюза М. С. Рогову ўстаноўлена на будынку сельскага дома культуры хутара Заходні Ленінградскага раёна Краснадарскага краю. Тут з 1933 года Міхаіл Рогаў працаваў у калгасе і адсюль пайшоў на фронт[4]. Імя Героя Савецкага Саюза М. С. Рогава носіць мясцовае МБАУ ААШ № 27[5].
Узнагароды правіць
- Герой Савецкага Саюза (24 сакавіка 1945 года);
- ордэн Леніна.
Зноскі
- ↑ а б в г д е Герои Советского союза / Пред. ред коллегии И. Н. Шкадов. — М.: Воениздат, 1988. — Т. 2. Любов — Яршук. — С. 358-359. — 869 с.
- ↑ а б в Збор помнікаў гісторыі і культуры Беларусі. Гомельская вобласць. — Мн.: БелСЭ, 1985. — С. 173. — 371 с. — 8 000 экз.
- ↑ Гарады і вёскі Беларусі / Рэдкал. Г. П. Пашкоў і інш.. — Мінск: Беларус. Энцыкл. імя П. Броўкі, 2004. — Т. 1, кн. 1. Гомельская вобласць. — С. 424. — 632 с. — ISBN 985-11-0303-9.
- ↑ ЦАМО, ф. 33, оп. 793756, д. 40 у электронным банку дакументаў «Подзвіг Народа»
- ↑ МБОУ ООШ № 27 имени М С.
Літаратура правіць
- Рогаў Міхаіл Сафронавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 392. — 10 000 экз. — ISBN 985-11-0035-8. — ISBN 985-11-0216-4 (т. 13).
- Навечно в сердце народном. — Мн., 1984. — С. 437.
Спасылкі правіць
Міхаіл Сафронавіч Рогаў на сайце «Героі краіны»