Мікалай Сцяпанавіч Навумаў

Мікалай Сцяпанавіч Навумаў (23 лістапада 1938, г. Чырвоны Ліман, Данецкая вобласць) — беларускі архітэктар.

Мікалай Сцяпанавіч Навумаў
Дата нараджэння	23 лістапада 1938(1938-11-23) (86 гадоў)
Месца нараджэння	Лыман, Данецкая вобласць, УССР, СССР
Альма-матар	Кіеўскі інжынерна-будаўнічы інстытут (1962)
Месца працы	Белдзяржпраект Мінскпраект
Член у	Саюз архітэктараў СССР Беларускі саюз архітэктараў
Прэміі

Біяграфія

Скончыў Кіеўскі інжынерна-будаўнічы інстытут у 1962 г. Працаваў у праектных арганізацыях Алма-Аты, Кішынёва. З 1973 г. — галоўны архітэктар праектаў у Белдзяржпраекце, з 1980 года — у Мінскпраекце.

Член Саюза архітэктараў СССР з 1968 года. Пражывае ў Мінску.

Творчасць

У Кішынёве запраектаваны Педагагічны інстытут імя Крангэ (1975), бальнічны комплекс (1976).

Асноўныя працы ў Беларусі: навучальны камбінат Міндарбуда БССР па Кальварыйскай вуліцы, 37 (1979), інжынерны корпус БМУ Мінскрадыёбуда па вул. Харкаўскай (1975); у аўтарскім калектыве: інжынерна-лабараторны корпус трэстаў Белсельгастэхнікі па вул. К. Лібкнехта (1980), рэспубліканскі Дом тэхнічнай творчасці (1982), гандлёва-камерцыйны цэнтр (1985), універсам у мікрараёне Серабранка-9 (1984) у Мінску.

Прэміі

• Дзяржаўная прэмія Рэспублікі Беларусь у галіне літаратуры, мастацтва і архітэктуры (2002, у аўтарскім калектыве) — за архітэктурны праект аўтавакзала «Маскоўскі» ў г. Мінску.

Літаратура

• Наумов Николай Степанович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)