Нарыман Энверавіч Джэлялаў

Нарыма́н Энве́равіч Джэля́лаў, таксама Нарыма́н Энве́равіч Джэля́л (крымскатат.: Nariman Celâl; Нариман Джелял, укр.: Наріман Енверович Джелялов; нар. 27 красавіка 1980 года, Наваі, Узбекская ССР) — украінскі крымскататарскі палітык, выкладчык, палітолаг і журналіст. Намеснік старшыні Меджліса крымскататарскага народа2013 года), кіраўнік інфармацыйна-аналітычнага аддзела.

Нарыман Энверавіч Джэлялаў
Наріман Джелялов, 2020 (cropped).jpg
Дата нараджэння 27 красавіка 1980(1980-04-27) (42 гады)
Месца нараджэння
Грамадзянства
Адукацыя
Член у
Род дзейнасці палітык, вядучы, настаўнік, журналіст
Узнагароды
ордэн «За заслугі» ІІІ ступені
Лагатып Вікісховішча Медыяфайлы на Вікісховішчы

БіяграфіяПравіць

Нарадзіўся ў горадзе Наваі Бухарскай вобласці Узбекскай ССР.

У 1989 годзе пераехаў у Крым, вучыўся ў Майскім НВК у Джанкоі.

У 2005 годзе скончыў Адэскі нацыянальны ўніверсітэт па спецыяльнасці «Паліталогія».

Працаваў вядучым на тэлеканале «ATR», карэспандэнтам рэспубліканскай газеты «Аўдэт» і выкладаў гісторыю і правазнаўства ў Сімферопальскай міжнароднай школе. Акрамя таго, вывучаў паліталогію і ўваходзіў у склад Меджліса крымскататарскага народа.

У 2012 годзе балатаваўся ў Вярхоўную Раду Украіны па 2-й мажарытарнай акрузе[1], але за 11 дзён да выбараў зняў сваю кандыдатуру[2].

У лістападзе 2013 года, пасля абрання Рэфата Чубарава старшынёй Меджліса, Джэлялаў стаў адным з яго намеснікаў, узначаліўшы інфармацыйна-аналітычны аддзел арганізацыі[3].

Пасля таго, як Крым быў у 2014 годзе анексаваны Расіяй, а старшыні Меджліса Чубараву і нефармальнаму лідару крымскататарскага народа Мустафе Джемілеву быў забаронены ўезд на яго тэрыторыю, Джэлялаў аказаўся самым высокапастаўленым дзеячам Меджліса ў Крыме і фактычным лідарам арганізацыі[4], каментуючы для сусветных медыя становішча крымскататарскага народа ў новых умовах[5][6][7].

У канцы жніўня 2021 года ў Кіеве прысутнічаў на міжнародным саміце «Крымская платформа», арганізаваным уладамі Украіны для вяртання кантролю над паўвостравам[8].

3-4 верасня 2021 года прадстаўнікі расійскай улады ў Крыме правялі шэраг ператрусаў у будынках крымскіх татар і затрымалі Джэлялава і яшчэ чатырох украінцаў[9]. Яго і іншых затрыманых вывезлі ў невядомым накірунку з сяла Першамайскае Сімферопальскага раёна Крыма[10]. Супрацоўнікі ФСБ трымалі яго ў кайданках з мяшком на галаве, аказвалі на яго псіхалагічны ціск і ставіліся да яго асабліва жорстка. Старшыня Меджліса Рэфат Чубараў адзначыў, што яго намесніку Джелялаву акупацыйная ўлада высунула абвінавачванні ў «дыверсіі»[11].

Пазней ФСБ РФ апублікавала заяву аб тым, што Джэлялаў падазраецца ў падарванні ўчастка газаправода, які адбыўся 23 жніўня 2021 года недалёка ад Перавальнага, каля Сімферопаля[12]. 29 кастрычніка 2021 года сімферопальскі «суд» падоўжыў арышт Джелялава до 23 студзеня 2022 года[13].

УзнагародыПравіць

Зноскі

  1. Профіль кандыдата (недаступная спасылка). «Незалежнае бюро навін». Архівавана з першакрыніцы 13 сакавіка 2014. Праверана 13 сакавіка 2014.
  2. Восем кандыдатаў у нардэпы знялі свае кандыдатуры з выбараў, якія маюць адбыцца (руск.)  (недаступная спасылка). «УРА-Інфарм». Архівавана з першакрыніцы 13 сакавіка 2014. Праверана 13 сакавіка 2014.
  3. У новага кіраўніка Меджліса з’явілася пяць намеснікаў (руск.) . «Весці». Праверана 13 сакавіка 2014.
  4. Как в Крыму пытаются запретить меджлис крымских татар(руск.) , BBC News Украіна (10 сакавіка 2016). Праверана 26 ліпеня 2021.
  5. Фёдор Стоянов. Нариман Джелял: Крымским татарам кидать друг в друга обвинения — врагам на радость(руск.) , «Крым.Рэаліі» (31 снежня 2015). Праверана 26 ліпеня 2021.
  6. Кирилл Гуськов. Нариман Джелялов: у наших визави быстро кончилось терпение (руск.) . «Коммерсантъ» (5 верасня 2016). Праверана 26 ліпеня 2021.
  7. Ayyıldız Huri Kaptan. İşgalden bu yana Kırım’daki yaşamda neler değişti? Nariman Celal anlattı (тур.) . Kırım Haber Ajansı (28 лютага 2021). Праверана 26 ліпеня 2021.
  8. Аксельрод Давид. Нариман Джелял: политик, активист, журналист(руск.) , Крым.Рэаліі (4 верасня 2021). Праверана 4 верасня 2021.
  9. Задержанных в Криму пятерых крымских татар подозревают в «диверсии»: им грозит 15 лет тюрьмы(руск.) , РБК-Украіна . Праверана 6 верасня 2021.
  10. В оккупированном Крыму силовики проводят обыск у заместителя главы Меджлиса(руск.) , РБК-Украіна . Праверана 6 верасня 2021.
  11. Адвокат розповів про стан Джелялова перед судилищем окупантів(укр.) , 24 Канал . Праверана 6 верасня 2021.
  12. ФСБ подозревает Джелялова в диверсии на газопроводе в Крыму: стали известны подробности(руск.) , РБК-Украіна . Праверана 10 верасня 2021.
  13. «Суд» в Крыму продлил арест Джелялову до 23 января (руск.) . РБК-Украина (29 кастрычніка 2021). Праверана 30 кастрычніка 2021.

СпасылкіПравіць

Інтэрв’юПравіць