Нгуен Као Кі (в’етн.: Nguyễn Cao Kỳ; 8 верасня 1930, Танкай, Французскі Індакітай — 23 ліпеня 2011, Куала-Лумпур, Малайзія[5]) — ваенны і палітычны дзеяч Рэспублікі В’етнам (Паўднёвы В’етнам), маршал авіяцыі.

Нгуен Као Кі
Nguyễn Cao Kỳ
Сцяг8-ы Прэм’ер-міністр Рэспублікі В’етнам
Папярэднік Фан Хуі Куат
Пераемнік Нгуен Ван Лок
Сцяг Камандуючы ВПС Рэспублікі В’етнам
1963 — 1965
Папярэднік Ду Кхак Май
Пераемнік Чан Ван Мінь
Нараджэнне 8 верасня 1930(1930-09-08)[1][2]
Смерць 23 ліпеня 2011(2011-07-23)[1][2] (80 гадоў)
Месца пахавання
Жонка Đặng Tuyết Mai[d]
Дзеці Nguyen Cao Ky Duyen[d]
Веравызнанне будызм
Партыя
Прафесія Ваенны
Дзейнасць палітык, ваенны, афіцэр, віцэ-прэзідэнт
Навуковая дзейнасць
Навуковая сфера ваенная справа[4] і палітыка[4]
Аўтограф Выява аўтографа
Ваенная служба
Гады службы 1949—1971
Прыналежнасць Паўднёвы В’етнам
Род войскаў Ваенна-паветраныя сілы Рэспублікі В‚етнам
Званне маршал авіяцыі
Бітвы Вайна ў В’етнаме
Лагатып Вікісховішча Медыяфайлы на Вікісховішчы

Біяграфія правіць

Прайшоў лётную падрыхтоўку ў Францыі і вярнуўся ў В’етнам у 1954 годзе Займаў розныя пасады ў ВПС Рэспублікі В’етнам, прайшоўшы шлях ад радавога лётчыка да камандзіра і маршала авіяцыі. Асабіста здзяйсняў вылеты над Паўночным В’етнамам на закіды дыверсійных груп, таксама прыняў удзел у адным з першых паветраных налётаў на ДРВ у лютым 1965 года (падчас аперацыі «Палаючае дзіда»).

Кі пачаў сваю палітычную кар’еру ў 1965 годзе, калі яго прызначылі прэм’ер-міністрам Рэспублікі В’етнам пасля добраахвотнага сыходу ў адстаўку грамадзянскага ўрада. Прэзідэнтам стаў Нгуен Ван Цхіеу, з якім у Кі склаліся цяжкія адносіны. Падчас знаходжання на пасадзе запомніўся дэманстратыўнай барацьбой з карупцыяй (некалькі хабарнікаў былі пакараны), але так і не здолеў выкараніць яе. На прэзідэнцкіх выбарах 1967 года падтрымаў Цхіеу, і пасля яго абрання стаў віцэ-прэзідэнтам. Збіраўся балатавацца на наступных выбарах 1971 года, але ў выніку палітычных інтрыг адмовіўся ад свайго намеру і сышоў з палітыкі.

Пасля ваеннага паражэння Рэспублікі В’етнам у 1975 годзе Кі збег у ЗША, дзе пасяліўся ў Каліфорніі. У 2004 годзе стаў першым з паўднёвав’етнамскіх палітыкаў, якія наведалі з візітам Сацыялістычную Рэспубліку В’етнам, што выклікала асуджэнне многіх прадстаўнікоў паўднёвав’етнамскай эміграцыі.

Быў тройчы жанаты, бацька па меншай меры шасці дзяцей.

22 ліпеня 2011 года ён памёр у бальніцы Малайзіі пасля цяжкай хваробы ва ўзросце 80-ці гадоў. Яго цела было крэміравана. Крыху пазней яго дачка Нгуен Као Кі Зуен перавезла прах ў Амерыку[6].

Зноскі

  1. а б Nguyen Cao Ky // Gran Enciclopèdia CatalanaGrup Enciclopèdia, 1968.
  2. а б Nguyen Cao Ky // Munzinger Personen Праверана 9 кастрычніка 2017.
  3. Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.
  4. а б в г Czech National Authority Database Праверана 26 красавіка 2023.
  5. Former South Vietnam leader Nguyen Cao Ky dies
  6. VietnamPlus. Ông Nguyễn Cao Kỳ qua đời tại Malaysia ở tuổi 80 (в’етн.). VietnamPlus (23 ліпеня 2011). Праверана 11 лютага 2019.

Спасылкі правіць