Ніна Сымонаўна Загорская

Ніна Сымонаўна Загорская (16 ліпеня 1940, в. Загор’е, Баранавіцкі раён, Брэсцкая вобласць) — беларуская паэтэса.

Ніна Сымонаўна Загорская
Асабістыя звесткі
Дата нараджэння	16 ліпеня 1940(1940-07-16) (84 гады)
Месца нараджэння	Загор’е, Гарадзішчанскі раён, Баранавіцкая вобласць, БССР, СССР
Дзеці	Уладзімір Мікалаевіч Лапата-Загорскі
Альма-матар	філалагічны факультэт БДУ (1962) Мінская вышэйшая партыйная школа пры ЦК КПБ (1974)
Месца працы	Зорька[d] Першы Нацыянальны канал Беларускага радыё Полымя Рэпертуарна-рэдакцыйная калегія Упраўлення культпрасветустаноў Міністэрства культуры БССР[d]
Прафесійная дзейнасць
Род дзейнасці	паэтка
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў БСТД
Узнагароды	Заслужаны дзеяч культуры Рэспублікі Беларусь (1992)

Біяграфія

Нарадзілася ў сялянскай сям’і. Скончыла аддзяленне журналістыкі Беларускага дзяржаўнага ўніверсітэта (1962). Дзесяць гадоў працавала старшым рэдактарам на Брэсцкай студыі тэлебачання. У 1974 г. скончыла Мінскую вышэйшую партыйную школу пры ЦК КПБ. У 1973 г. накіраванана працу адказным сакратаром у рэдакцыю газеты «Зорька». З 1976 г. — адказны сакратар рэдакцыі літаратурна-драматычных перадач Беларускага радыё, з 1980 — намеснік галоўнага рэдактара літаратурна-драматычных праграм Беларускага тэлебачання, з 1981 г. — загадчык аддзела навукі і мастацтва часопіса «Полымя», з 1982 г. — галоўны рэдактар рэпертуарна-рэдакцыйнай калегіі Міністэрства культуры БССР. Член Саюза пісьменнікаў СССР з 1982 г.

У друку выступае з 1958 г. Аўтар зборнікаў вершаў «Радар» (1975), «Явар» (1982), «Мне добра з вамі» (1989).

Сям’я

У шлюбе з Мікалаем Лапатам нарадзіліся два сыны: Аляксандр Лапата-Загорскі, Уладзімір Лапата-Загорскі. У старэйшага, Аляксандра, ёсць сын Антон Міхайлоўскі і дачка Ксенія Парфянюк. У малодшага, Уладзіміра — сын Ігнат і дачка Юсціна Лапата-Загорскія.