Плаўна

Пла́ўна — возера ў Докшыцкім раёне Віцебскай вобласці. Знаходзіцца ў басейне ракі Сергуч за 42 км на ўсход ад горада Докшыцы, у межах Бярэзінскага біясфернага запаведніка.

Плаўна
Морфаметрыя
Вышыня над узроўнем мора	160 м
Даўжыня	3,45 км
Шырыня	1,75 км
Плошча	4,01 км²
Аб’ём	0,00512 км³
Даўжыня берагавой лініі	9,05 км
Найбольшая глыбіня	2 м
Гідралогія
Салёнасць	0,12 ‰
Басейн
Плошча вадазбору	186,5 км²
Упадаюць	Рака Сергуч
Выцякаюць	Рака Сегруч, Бярэзінскі канал
Размяшчэнне
Краіна	Беларусь
Плаўна
Плаўна
Медыяфайлы на Вікісховішчы

Плошча паверхні 4,01 км². Найбольшая глыбіня 2 м. Даўжыня 3,45 км. Найбольшая шырыня 1,75 км. Даўжыня берагавой лініі 9,05 км. Аб'ём вады 5,12 млн. м³. Плошча вадазбору 186,5 км².

Катлавіна возера рэшткавага тыпу. Схілы катлавіны невыразныя. Берагі нізкія, забалочаныя, на захадзе сплавінныя. Дно плоскае, сапрапелістае. Востраў плошчай 0,07 км², ёсць сплавінныя астравы. Поўнасцю зарастае падводнай расліннасцю. Шырыня паласы прыбярэжнай расліннасці ад 5 да 20 метраў.

Возера дыстрофнае, праточнае. Працякае рака Сергуч і злучае з азёрамі Манец і Вольшыца). На паўднёвым усходзе выцякае Бярэзінскі канал, злучаючы Плаўна з возерам Бярэшча.

У возеры водзяцца шчупак, акунь, лешч, карась, гусцяра, плотка і іншыя віды рыб.

На беразе возера Дом паляўнічага.

Літаратура

• Блакітны скарб Беларусі: энцыклапедыя / рэдкал.: Г. Пашкоў і інш. — Мн., 2007.
• Рачэўскі А. М. Плаўна. // Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 10 000 экз.
• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш.. — Мн.: БелЭн, 2001. — Т. 11. — С. 416. — 560 с. — 10 000 экз. — ISBN 985-11-0198-2 (Т. 11).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 28. — 72 с. — 10 000 экз. — ISBN 978-985-508-136-5. (руск.)