Пол Мілграм
Пол Роберт Мілграм (англ.: Paul Robert Milgrom; 20 красавіка 1948, Дэтройт, Мічыган) — амерыканскі эканаміст, лаўрэат прэміі па эканоміцы імя Альфрэда Нобеля (2020) (разам з Робертам Уілсанам) за «удасканаленне тэорыі аўкцыёнаў і вынаходніцтва іх новых фарматаў».
| Пол Мілграм | |
|---|---|
| англ.: Paul Milgrom | |
 | |
| Дата нараджэння | 20 красавіка 1948 (75 гадоў) |
| Месца нараджэння | |
| Грамадзянства | |
| Род дзейнасці | эканаміст, выкладчык універсітэта, навуковы работнік |
| Навуковая сфера | эканоміка[1] |
| Месца працы | |
| Навуковае званне | |
| Альма-матар | |
| Навуковы кіраўнік | Роберт Уілсан |
| Член у | |
| Узнагароды | |
| Сайт | profiles.stanford.edu/… (англ.) |
 Медыяфайлы на Вікісховішчы | |
Біяграфія Правіць
Нарадзіўся 20 красавіка 1948 года ў Дэтройце, штат Мічыган[6]. Яго бацька — Абрам Ісаак Мілграм (1914—1989)[7], выхадзец з Таронта, быў маляром[8][9]; маці — Ганна Ліліян Мілграм (народжаная Фінкельштэйн, 1917—1997) была хатняй гаспадыняй[10]. Бацькі паходзілі з сем’яў яўрэйскіх эмігрантаў з Расіі[11]. У сям’і расло чацвёра сыноў. Калі ён быў дзіцем сям’я пераехала ў Оўк Парк, дзе Пол скончыў сярэднюю школу.
Атрымаў ступень бакалаўра па матэматыцы з адзнакай у Мічыганскім універсітэце у 1970 годзе, ступень магістра навук па статыстыцы ў 1978 годзе ў Стэнфардскім універсітэце. Быў ганараваны доктарскай ступені (PhD) па бізнэсе ў Стэнфардскім універсітэце ў 1979 годзе.
Выкладчыцкую дзейнасць пачаў на пасадзе асістэнта-прафесара ў 1979—1981 гадах, асацыяваным прафесарам у 1981—1982 гадах, прафесарам у 1982—1983 гадах на факультэце эканомікі кіравання і прыняцця рашэнняў у Келагскай школе менеджменту пры Паўночна-Заходнім універсітэце. Затым выкладаў у Ельскім універсітэце у якасці запрошанага прафесара у 1982—1983 гадах, прафесара эканомікі і менеджменту ў 1983—1985 гадах, Уільямс Бразерс прафесара менеджменту і прафесара эканомікі ў 1985—1987 гадах. Пасля выкладаў у Стэнфардскім універсітэце на пасадзе прафесара эканомікі з 1987 года, дырэктара Стэнфардскага Інстытута тэарэтычнай эканомікі ў 1989—1991 гадах, Шырлі і Леанард Элі-малодшы прафесара гуманітарных і прыродазнаўчых навук з 1993 года, старэйшага навуковага супрацоўніка Стэнфардскага інстытута даследаванняў эканамічнай палітыкі з 2007 года[12].
У 1996 годзе прачытаў замест памерлага Уільма Вікры лекцыю на цырымоніі ўручэння Нобелеўскай прэміі. Быў прэзідэнтам Міжнароднай заходняй эканамічнай асацыяцыі у 2007 годзе[12].
З’яўляецца членам Амерыканскай акадэміі мастацтваў і навук з 1992 года, абраным членам Нацыянальнай акадэміі навук ЗША з 2006 года, членам з 1980 года, а ганаровым фела з 2020 года Амерыканскай эканамічнай асацыяцыі, абраны фела Таварыства тэорыі гульняў з 2017 года, абраны фела групы па тэорыі фінансаў з 2017 года, фела Эканаметрычнага таварыства з 1984 года, членам Таварыства актуарыяў з 1974 года[12].
Сям’я Правіць
Другім шлюбам (з 2000 года) жанаты на Еве Меерсан Мілграм. Мае дваіх дзяцей ад першага шлюбу — Джошуа Терстан Мілграм і Элана Терстан Мілграм[12].
Узнагароды Правіць
За свае дасягненні быў неаднаразова узнагароджаны[12]:
- 2007 — грант ад Нацыянальнага навуковага фонду за працу «Рынкавы дызайн»;
- 2007 — Clarivate Citation Laureates;
- 2008 — прэмія Эрвіна Плэйна Немерса ў галіне эканомікі;
- 2012 — BBVA Foundation Frontiers of Knowledge Award па эканоміцы, фінансах і менеджменце;
- 2014 — прэмія «Залаты гусь»;
- 2015 — грант за працу «Дызайн аўкцыённага рынку» ад Нацыянальнага навуковага фонду;
- 2017 — прэмія дэкана «за выбітны педагагічныя дасягненні ў галіне вышэйшай адукацыі» ад Школы гуманітарных і прыродазнаўчых навук Стэнфардскага ўніверсітэта;
- 2017 — прэмія за інавацыйныя колькасныя прыкладання ад Чыкагскай таварнай біржы і Навукова-даследчага інстытута матэматычных навук;
- 2018 — прэмія Джона Карці «за развіццё навукі» ад Нацыянальнай акадэміі навук ЗША;
- 2020 — прэмія па эканоміцы імя Альфрэда Нобеля[13].
Зноскі
- ↑ а б https://profiles.stanford.edu/paul-milgrom Праверана 28 красавіка 2020.
- ↑ а б (unspecified title) Праверана 26 сакавіка 2019.
- ↑ http://orcid.org/0000-0002-1919-4138 Праверана 12 студзеня 2019.
- ↑ Paul Milgrom — Стэнфардскі ўніверсітэт. Праверана 28 красавіка 2020.
- ↑ https://www.econometricsociety.org/society/organization-and-governance/fellows/current Праверана 6 красавіка 2023.
- ↑ milgrom.net — афіцыйны сайт
- ↑ Abraham Isaac Milgrom: Obituary. The Detroit Jewish News, March 3, 1989
- ↑ Paul Milgrom. Auctions and Bidding. The Journal of Economic Perspectives, Volume 3, Issue 3, 1989; p. 3—22.
- ↑ Simon Board. Bidding for Contracts
- ↑ Anne Lillian Milgrom (née Finkelstein): Obituary. The Detroit Jewish News, August 22, 1997
- ↑ Семья Милгром-Финкельштейн в переписи населения США 1940 года
- ↑ а б в г д Paul Robert Milgrom CV//Stanford University, 11.06.2020
- ↑ Пресс-релиз Нобелевского комитета по экономике — 2020 год