Поснік (дойлід)

По́снік — імя рускіх дойлідаў (ці дойліда) сярэдзіны XVI ст.

Поснік Якаўлеў — «царкоўны і гарадавы майстар» у Пскове. Работы: праслы паўднёвых сцен і шэраг веж (у тым ліку Спаская) крамля (1556—1562) і Дабравешчанскі сабор (1562) у Казані (абедзве пабудовы з І. Шыраем). Яму прыпісваецца таксама будаўніцтва Успенскага сабора (1560) Успенскага манастыра ў г. Свіяжску.

Другі Поснік — будаўнік (разам з Бармам) храма Васіля Блажэннага (1555—1560) у Маскве.

Ёсць меркаванні пра ідэнтычнасць абодвух Поснікаў, а таксама Посніка і Бармы.

Літаратура

• Поснік // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 516. — 10 000 экз. — ISBN 985-11-0035-8. — ISBN 985-11-0198-2 (т. 12).
• Новицкий А. Постник // Русский биографический словарь : в 25-ти томах. — СПб.—М., 1896—1918. (руск.)