Пётр Аляксеевіч Атрошчанка

Пётр Аляксеевіч Атрошчанка (нар. 9 красавіка 1962, пас. Барэц, Лоеўскі раён, Гомельская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Пётр Аляксеевіч Атрошчанка
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	9 красавіка 1962(1962-04-09) (62 гады) Барэц, Пярэдзелкаўскі сельсавет, Лоеўскі раён, Гомельская вобласць, БССР, СССР
Адукацыя	БелДУТ Акадэмія кіравання пры Прэзідэнце Рэспублікі Беларусь
Месца працы	Камітэт дзяржаўнай бяспекі Рэспублікі Беларусь
Званне	палкоўнік
Узнагароды	Медаль «За бездакорную службу» I ступені Медаль «За бездакорную службу» II ступені Медаль «За бездакорную службу» III ступені Медаль «За адзнаку ў воінскай службе» (Беларусь)

Біяграфія

Скончыў Беларускі інстытут інжынераў чыгуначнага транспарту па спецыяльнасці «Інжынер шляхоў зносін па эксплуатацыі чыгунак»; Акадэмію кіравання пры Прэзідэнце Рэспублікі Беларусь па спецыяльнасці «Эканаміст-менеджар».

Працаваў дзяжурным па чыгуначнай станцыі Маладзечна. Служыў у органах ваенных зносін Узброеных Сіл. Праходзіў службу ў органах дзяржаўнай бяспекі Рэспублікі Беларусь, быў намеснікам начальніка ўпраўлення Камітэта дзяржаўнай бяспекі па г. Мінску і Мінскай вобласці.

З’яўляўся дэпутатам Палаты прадстаўнікоў Нацыянальнага сходу Рэспублікі Беларусь VI склікання (2016—2019).

Узнагароды

Узнагароджаны медалямі «За бездакорную службу» I, II і III ступені, «За адзнаку ў воінскай службе».

Асабістае жыццё

Жанаты, мае дачку і сына.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь Архівавана 14 чэрвеня 2017. (бел.)