Вікіпедыя

Раман Уладзіміравіч Пасевіч

беларускі футбаліст

Раман Пасевіч (нар. 28 лістапада 1999, Відзы) — беларускі футбаліст, нападнік расійскага клуба «Уфа».

Футбол
Раман Пасевіч
Агульная інфармацыя
Поўнае імя Раман Уладзіміравіч Пасевіч
Нарадзіўся 28 лістапада 1999(1999-11-28)[1] (24 гады)
Грамадзянства  Беларусь
Рост 170 см[2]
Вага 68 кг[2]
Пазіцыя паўабаронца, нападнік
Інфармацыя пра клуб
Клуб Расія Уфа
Нумар 97
Маладзёжныя клубы
2016—2017 Беларусь Паставы
2017 Беларусь Іслач (Мінскі раён)
Клубная кар’ера[* 1]
2018 Беларусь Асіповічы 11 (9)
2018 Беларусь Спадарожнік (Рэчыца) 14 (7)
2019 Беларусь Ліда 28 (4)
2020—2022 Беларусь Нёман (Гродна) 45 (1)
2021 →  Беларусь Смаргонь 13 (5)
2023— Расія Уфа
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 ліпеня 2023.

Клубная кар’ера правіць

Выхаванец пастаўскай акадэміі ПМЦ, выступаў за мясцовы клуб у чэмпіянаце Віцебскай вобласці, таксама гуляў за юнацкую каманду «Іслачы». У лютым 2018 года далучыўся да другалігавых «Асіповічаў», дзе і пачаў дарослую кар’еру, хутка стаў адным з асноўных бамбардзіраў каманды. У ліпені 2018 года беспаспяхова праходзіў прагляд у моладзевай камандзе кіеўскага «Дынама»[3], а ў хуткім часе перабраўся ў рэчыцкі «Спадарожнік».

У лютым 2019 года падпісаў кантракт з «Лідай»[4], дзе чаргаваў выхады ў стартавым складзе і на замену. У студзені 2020 года прыбыў на прагляд у гродзенскі «Нёман» і неўзабаве стаў іграком клуба[5]. Сезон 2020 пачынаў у дублі гродзенцаў. 4 ліпеня 2020 года дэбютаваў у Вышэйшай лізе ў матчы супраць «Іслачы» (1:0), калі выйшаў у стартавым складзе і быў заменены ў першым тайме. У далейшым працягваў часцей заставацца на лаўцы запасных і гуляў за дубль, зрэдку выхадзіў на поле за аснову «Нёмана». У сезоне 2021 стаў часцей прыцягвацца да асновы, нярэдка з’яўляўся ў стартавым складзе каманды.

У ліпені 2021 года быў аддадзены ў арэнду ў «Смаргонь»[6]. З 5 галамі стаў найлепшым бамбардзірам каманды ў сезоне, але не выратаваў яе ад вылету ў Першую лігу. Па заканчэнні арэнды ў лістападзе 2021 года вярнуўся ў «Нёман»[7], са студзеня 2022 года пачаў трэніравацца разам з камандай[8]. У сезоне 2022 быў адным з асноўных ігракоў гродзенскай каманды, правёў усе 30 матчаў чэмпіянату Беларусі, выхадзіў пераважна ў стартавым складзе.

У пачатку 2023 года з-за забароны Міністэрства спорту і турызму не трапіў у заяўку «Нёмана» на сезон і не ўдзельнічаў у афіцыйных матчах каманды ў 2023 годзе, хоць працягваў трэніравацца і гуляць у таварыскіх матчах. У чэрвені 2023 года абвясціў пра сыход з «Нёмана»[9], а ў ліпені 2023 года падпісаў кантракт з расійскай «Уфой»[10].

Статыстыка выступленняў правіць

Сезон Дывізіён Клуб Краіна Матчы Галы
2018 (1) Д3 Асіповічы   11 9
2018 (2) Д3 Спадарожнік   14 7
2019 Д2 Ліда   28 4
2020 Д1 Нёман   4 0
2021 (1) Д1 Нёман   11 0
2021 (2) Д1 Смаргонь   13 5
2022 Д1 Нёман   30 1

Грамадзянская пазіцыя правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[11].

Заўвагі правіць

  1. ↑ а б https://www.fcneman.by/by/komanda/main/647.html
  2. ↑ а б https://www.fcufa.pro/komanda/osnovnoj-sostav
  3. ↑ Форвард "Осиповичей" не подошел дублю киевского "Динамо"
  4. ↑ "Лида" подписала трех футболистов
  5. ↑ Роман Пасевич стал игроком "Немана"
  6. ↑ "Неман" отдал Пасевича в аренду "Сморгони"
  7. ↑ Семь арендованных игроков покидают "Сморгонь"
  8. ↑ На просмотре в "Немане" ряд футболистов
  9. ↑ Пасевич заявил об уходе из "Немана" (руск.). football.by (30 чэрвеня 2023). Праверана 6 ліпеня 2023.
  10. ↑ "Уфа" объявила о подписании контракта с Пасевичем (руск.). football.by (5 ліпеня 2023). Праверана 6 ліпеня 2023.
  11. ↑ 93 беларускія футбалісты выступілі з асуджэннем гвалту ВІДЭА

Спасылкі правіць

Узята з "https://be.wikipedia.org/w/index.php?title=Раман_Уладзіміравіч_Пасевіч&oldid=4530690"