Рыжае

Ры́жае — возера ў Смаргонскім раёне Гродзенскай вобласці Беларусі ў басейне ракі Ашмянка, за 14 км у напрамку на паўночны захад ад горада Смаргонь.

Рыжае
Морфаметрыя
Вышыня над узроўнем мора	133 м
Даўжыня	1,2 км
Шырыня	0,65 км
Плошча	0,65 км²
Даўжыня берагавой лініі	2,98 км
Басейн
Упадаюць	Сікунка
Выцякаюць	Сікунка
Размяшчэнне
Краіна	Беларусь
Рэгіён	Гродзенская вобласць
Рыжае
Рыжае

Плошча паверхні возера 0,65 км², даўжыня 1,2 км, найбольшая шырыня 0,65 км. Даўжыня берагавой лініі 2,98 км.
Схілы катлавіны возера вышынёй 12—15 м, спадзістыя. У паўночнай і паўднёвай частках да возера прылягае балота. Берагавая лінія слабазвілістая. На захадзе і ўсходзе берагі возера зліваюцца са схіламі катлавіны, паўночныя і паўднёвыя забалочаныя. Дно выслана сапрапелем. Праз возера працякае невялікая рака Сікунка.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13). — С. 492.
• Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 392.