Рыхеза Дацкая

Рыхеза Дацкая (дацк.: Richeza af Danmark, шведск.: Rikissa av Danmark; 1182, Рынгстэд, Зеландыя — 8 мая 1220, Рынгстэд, Зеландыя) — дацкая прынцэса з дынастыі Эстрыдсенаў, дачка Вальдэмара I Вялікага, караля Даніі; жонка караля Швецыі Эрыка X.

Рыхеза Дацкая
Каралева-кансорт Швецыі 1210 — 10 красавіка 1216
Папярэднік	Інгегерд Біргерсдотэр
Пераемнік	Хелена Петэрсдатэр Странгэ
Нараджэнне	1182 Рынгстэд, Зеландыя, Данія, Каралеўства Данія
Смерць	8 мая 1220 Рынгстэд[d], Рынгстэд, Зеландыя, Данія, Каралеўства Данія
Месца пахавання	царква Святога Бента[d]
Род	Эстрыдсены
Бацька	Вальдэмар I Вялікі
Маці	Сафія Валадараўна
Муж	Эрык X, кароль Швецыі
Дзеці	Інгеборг Эрыксдоцір, Эрык Шапялявы, Sofia Eriksdotter of Sweden[d], Mariana de Suecia[d], Martha Eriksdotter[d] і Helen Eriksdottir[d]
Веравызнанне	каталіцтва
Медыяфайлы на Вікісховішчы

Біяграфія

Рыхеза Дацкая нарадзілася ў 1190 годзе. Яна была дачкой караля Вальдэмара I Дацкага і князёўны Сафіі Менскай. Рыхеза атрымала імя ў гонар бабулі па матчынай лініі, каралевы Рыхезы Польскай.

У 1210 годзе кароль Эрык X Шведскі, які зрынуў свайго папярэдніка караля Сверкера II Шведскага, жадаючы добрасуседскіх адносін з Даніяй, ў якой традыцыйна падтрымлівалі дынастыю Сверкераў супраць дынастыі Эрыксанаў, ажаніўся з Рыхезай Дацкай, сястрой караля Вальдэмара II Дацкага.

Пры жыцці мужа, каралева нарадзіла выключна дачок, і толькі пасля яго смерці ў 1216 годзе, былая ў той час цяжарнай, ўдава каралева нарадзіла адзінага сына, будучага караля Эрыка XI Шведскага. Новы кароль Юхан I Шведскі з дынастыі Сверкераў выгнаў са Швецыі членаў дынастыі Эрыксанаў. Разам з дзецьмі, Рыхеза Дацкая вярнулася на радзіму, дзе памерла ў 1220 годзе, не дажыўшы ні да ўсшэсця яе сына на пасад Швецыі ў 1222 годзе, ні да вяселляў сваіх дачок.

Сям’я

У сям’і Рыхезы дацкай і Эрыка X шведскага нарадзіліся чатыры дачкі і адзін сын.

• Сафія Эрыксдотэр Шведская (пам. 1241), выйшла замуж за Генрыха III Борвіна Растокскага.
• Марта Эрыксдоттер Шведская, выйшла замуж за Нільса Сікстенссона Шпаре.
• Інгеборг Эрыксдоцір (пам. 1254), выйшла замуж за Біргера Ярла, рэгента Швецыі.
• Мар’яна, выйшла замуж за герцага Памераніі.
• Эрык XI Шведскі (1216—1250), кароль Швецыі.

Спасылкі

• Рыхеза Дацкая на сайце дацкага біяграфічнага лексікону.
• Åke Ohlmarks. Alla Sveriges drottningar (Усе каралевы Швецыі) (шведск.)