Сабор Святога Кірылы Тураўскага

Кафедральны Сабор Святога Кірылы Тураўскага — праваслаўна мураваны храм Беларускай аўтакефальнай праваслаўнай царквы ў Нью-Ёрку.

Славутасць
Сабор Святога Кірылы Тураўскага
40°41′13″ пн. ш. 73°59′04″ з. д.
Краіна	ЗША
Месцазнаходжанне	Нью-Ёрк
Архітэктурны стыль	неаготыка
Дата заснавання	1902
Сабор Святога Кірылы Тураўскага на Вікісховішчы

Гісторыя

Парафія ў Брукліне была арганізаваная ў 1950 годзе ўцекачамі з Беларусі, якія ў канцы 1940 гадоў, згодна з пастановаю Кангрэсу прыехалі ў Злучаныя Штаты і пасяліліся ў Нью-Ёрк і ягоных ваколіцах.

Першым часам Божыя Літургіі адбываліся ў арэндаванай зале па вуліцы Ашворд, што ў знаходзіцца ў раёне заходняга Нью-Ёрка ў Брукліне.

У 1951 годзе, пасля прыезду епіскапа Васіля, была дасягнутая дамоўленасць з парафіяй Святое Тройцы Карпата-Рускай праваслаўнай царквы. Там пачалі спраўляцца сумесныя Божыя Службы, якія адбываліся да 1956 года.

У 1956 годзе, пасля смерці настаяцеля параффіі Святое Тройцы, парафія вымушаны была знойку здымаць часовыя памяшканьні. Разам з тым быў актывізаваны збор сродкаў і пашук шляхаў набыцця ўласнага будынку.

У 1957 годзе быў знойдзены і набыты будынак сучаснай катэдры і з 3 лістапада 1957 года ў адноўленай катэдры адбылася першая Божая служба. Будынак быў пабудаваны ў 1902 годзе.

Кіраўнікі прыходу

• Хведар Данілюк (26 жніўня 1950 — 29 ліпеня 1960)
• Васіль Кендыш (1973—1981)
• Андрэй (Крыт) (1981—1983)
• Ізяслаў (Бруцкі) (2001)
• Святаслаў (Логін) (2005—2006)
• а. Міхаіл
• Святаслаў (Логін) (з 2008)

Спасылкі

• Катэдральны Сабор Сьвятога Кірылы Тураўскага ў Нью Ёрку / Saint Cyril’s of Turau Cathedral