Салакас

Са́лакас (літ.: Salakas, традыцыйная беларуская назва — Салокі, таксама Салакі) — мястэчка ў Літве, на возеры Луодзіс. Цэнтр сянюніі Зарасайскага раёна Уцянскага павета. Насельніцтва на 2011 год — 519 чалавек.

Мястэчка Салакас літ.: Salakas Герб Агульны выгляд Краіна Літва Павет Уцянскі Раён Зарасайскі Сянюнія Салакаская Каардынаты 55°34′41″ пн. ш. 26°07′59″ у. д. Ранейшыя назвы Салокі Насельніцтва 519 чалавек (2011) Часавы пояс UTC+2, летам UTC+3 Салакас на карце Літвы

Медыяфайлы на Вікісховішчы

Гісторыя

Вялікае Княства Літоўскае

Першы пісьмовы ўспамін пра Салокі датуецца 1387 годам, калі вялікі князь Ягайла перадаў гэту мясцовасць Віленскаму біскупству.

Пад 1552 годам Салокі ўпамінаюцца як мястэчка. Згодна з адміністрацыйна-тэрытарыяльнай рэформай 1565—1566 гадоў яны ўвайшлі ў склад Браслаўскага павета Віленскага ваяводства.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Салокі апынуліся ў складзе Расійскай імперыі, у Новааляксандраўскім павеце Ковенскай губерні.

Каля 1890 года ў Салоках быў 81 будынак.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Салокі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

Дэмаграфія

• XIX стагоддзе: ~1890 год — 1083 чал.
• XXI стагоддзе: 2011 год — 519 чал.

Турыстычная інфармацыя

Славутасці

• Капліца Святога Яна Непамука (1930)
• Касцёл Найсвяцейшай Дзевы Марыі (1911)
• Могілкі татарскія

Галерэя

• Краявіды Салокаў
• 

  Касцёл

• 

  Капліца

• 

  Старая камяніца

• 

  Стары драўляны будынак

Спасылкі

• На Вікісховішчы ёсць медыяфайлы па тэме Салакас