Свята-Іаана-Прадцечанская царква (Бараўцы)

Свята-Іаана-Прадцечанская царква — праваслаўны храм у в. Бараўцы Вілейскага раёна, прыпісны да прыходу Святога прарока Ільі (у Нарачы). Месціцца на могілках. Лічыцца адным са старэйшых храмаў Вілейскага благачыння. Помнік народнага дойлідства.

Праваслаўны храм
Свята-Іаана-Прадцечанская царква
Свята-Іаана-Прадцечанская царква
54°31′22″ пн. ш. 26°47′42″ у. д.
Краіна	Беларусь
Вёска	Бараўцы
Канфесія	Беларуская праваслаўная царква
Епархія	Маладзечанская
Архітэктурны стыль	народнае дойлідства
Першае згадванне	1789
Будаўніцтва	XVIII—XIX стагоддзі
Стан	дзейная
Медыяфайлы на Вікісховішчы

Гісторыя

Храм пабудаваны ў 1789 г. з дрэва, меркавана, як уніяцкая царква. Быў зачынены ў 1960-х гадах. Зноў храм адкрылі ў пачатку 1990-х гадоў.

Архітэктура

Званіца

Вырашана прамавугольным зрубам, які пераходзіць у трохсценную апсіду. Вальмавы дах над алтарнай часткай завершаны шатровай вежачкай. Да фасада далучаны прамавугольны прытвор пад двухсхільным дахам. Вертыкальна ашаляваныя фасады прарэзаны прамавугольнымі аконнымі праёмамі ў разных ліштвах. Перад храмам пастаўлена двухслуповая званіца з падвешаным звонам.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

• Маці Божая ў намітцы
• Свята-Іаана-Прадцечанская царква (Бараўцы) на сайце Radzima.org
• Свята-Іаана-Прадцечанская царква (Бараўцы) на сайце Глобус Беларусі (руск.)
• Свята-Іаана-Прадцечанская царква (Бараўцы)(недаступная спасылка) на сайце Маладзечанскай епархіі