Свята-Крыжаўзвіжанская царква (Асіповічы)

Свята-Крыжаўзвіжанская царква — драўляны праваслаўны храм у горадзе Асіповічах Магілёўскай вобласці. Знаходзіцца на вуліцы Чумакова.

Праваслаўны храм
Свята-Крыжаўзвіжанская царква
53°17′46″ пн. ш. 28°38′40″ у. д.
Краіна	Беларусь
Горад	Асіповічы
Канфесія	Праваслаўе
Епархія	Бабруйская
Благачынне	Асіповіцкае
Архітэктурны стыль	народнае дойлідства
Дата пабудовы	1826 год
Стан	дзейнічае
Медыяфайлы на Вікісховішчы

Гісторыя

Пабудавана ў 1826 годзе ў вёсцы Зборск Асіповіцкага раёна з дрэва, у 1946 годзе перавезена ў Асіповічы.

Архітэктура

Твор народнага дойлідства. Мае разгорнутую падоўжна-восевую кампазіцыю, якую фарміруюць трох’ярусная чацверыковая званіца з шатровым пакрыццём, працяглы бабінец, кубападобны аб’ём малітоўнай залы, прамавугольная апсіда з бакавымі рызніцамі. У сілуэце храма дамінуе 8-гранны барабан з цыбулепадобным купалам, які завяршае вальмавы дах асноўнага зруба. Над вальмавым дахам апсіды мініяцюрная макаўка. Гарызантальна ашаляваныя фасады рытмічна расчлянёны прамавугольнымі аконнымі праёмамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Крыжаўзвіжанская царква (Асіповічы)
• Свята-Крыжаўзвіжанская царква (Асіповічы) на сайце Праваслаўная архітэктура Беларусі (бел.)
• Свята-Крыжаўзвіжанская царква (Асіповічы) на сайце Radzima.org
• Свята-Крыжаўзвіжанская царква (Асіповічы) на сайце Глобус Беларусі (руск.)