Свята-Крыжаўзвіжанская царква (Ахова)

Свята-Крыжаўзвіжанская царква — царква ў гонар Раства Найсвяцейшай Багародзіцы ў в. Ахова, Пінскага раёна Брэсцкай вобласці. Размешчана на могілках.

Праваслаўны храм
Свята-Крыжаўзвіжанская царква
52°11′08,49″ пн. ш. 25°54′48,92″ у. д.
Краіна	Беларусь
Вёска	Ахова
Канфесія	Беларуская праваслаўная царква
Епархія	Пінская і Лунінецкая
Тып будынка	царква
Архітэктурны стыль	Барока
Дата пабудовы	1758 год
Статус	Гісторыка-культурная каштоўнасць Беларусі, шыфр 112Г000550
Медыяфайлы на Вікісховішчы

Гісторыя

Царква пабудавана ў 1758 г. з дрэва як уніяцкая. У 1786 годзе пасля пажару перабудавана ў касцёл. У 1864 г. касцёл перабудаваны ў праваслаўны храм. У 1924 г. храм перайшоў да католікаў, а пасля вайны вярнуўся да праваслаўных.

Архітэктура

Інтэр'ер (да 1939)

Царква з боку апсіды

Вырашана ў традыцыях народнага дойлідства з рысамі стылю барока. Складаецца з працяглага прамавугольнага зруба, да якога далучаны 5-гранны апсідны прыруб з бакавымі рызніцамі, накрытыя агульным дахам. Над галоўным фасадам узвышаецца барабан, завершаны цыбулепадобным купалам. Ашаляваныя сцены расчлянёны аконнымі праёмамі ў ліштвах, з пілястрамі ў прасценках і апярэзаны прафіляваным карнізам з аркатурным фрызам. У інтэр'еры разны алтар 18 ст.

Літаратура

Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.

Спасылкі

• На Вікісховішчы ёсць медыяфайлы па тэме Свята-Крыжаўзвіжанская царква (Ахова)
• Свята-Крыжаўзвіжанская царква (Ахова) на сайце Radzima.org
• Свята-Крыжаўзвіжанская царква (Ахова) на сайце Глобус Беларусі (руск.)
• Храм Раства Найсвяцейшай Багародзіцы Архівавана 15 студзеня 2016.
• Свята-Крыжаўзвіжанская царква (Ахова) на сайце «Архіварта»