Свята-Ушэсцеўская царква (Гарадзец)

Свята-Ушэсцеўская царква
	Славутасць
Свята-Ушэсцеўская царква
	52°12′11″ пн. ш. 24°39′35″ у. д.HGЯO
Краіна	Беларусь
Аграгарадок	Гарадзец
Канфесія	Праваслаўе
Епархія	Брэсцкая і Кобрынская
Благачынне	Кобрынскае
Архітэктурны стыль	народнае дойлідства
Дата пабудовы	1799 год
Асноўныя даты
	1876 — перавезена ў Гарадзец;
Статус	Гісторыка-культурная каштоўнасць Беларусі, шыфр 113В000418шыфр 113В000418
Стан	дзейнічае
	Медыяфайлы на Вікісховішчы

Свята-Ушэсцеўская царква — праваслаўны храм у аграгарадку Гарадзец Кобрынскага раёна Брэсцкай вобласці. Знаходзіцца ў цэнтры вёскі, на пагорку.

Гісторыя

Пабудавана ў 1799 годзе ў вёсцы Камень Шляхецкі з дрэва. У 1876 годзе перавезена ў мястэчка Гарадзец і пастаўлена на бутавы падмурак^[1].

Архітэктура

Выгляд з боку апсіды.

Помнік народнага дойлідства з рысамі барока. Вырашана працяглым чатырохсценным зрубам пад двухсхільным гонтавым дахам, які над пяціграннай апсідай за кошт застрэшкаў пераходзіць у вальмавы. Па цэнтры даху ўзведзены фігурны васьмігранны купал. Плоскасны франтальны фасад завершаны трохвугольным вертыкальна ашаляваным франтонам з 2 маленькімі слыхавымі аконнымі праёмамі. Уваход вылучаны двухсхільным ганкам на 2 слупах. Вертыкальна ашаляваныя бакавыя фасады рытмічна расчлянёны высока ўзнятымі прамавугольнымі аконнымі праёмамі ў разных ліштвах і бусамі-сцяжкамі ў прасценках.

Інтэр’ер

Над прытворам у залу адкрываюцца хоры. Сцены ў інтэр’еры дэкарыраваны арнаментальным фрызам. Іканастас створаны ў 1867 годзе паводле праекта інжынера Кадрунцава^[2]. Два абразы XIX стагоддзя «Маці Божая Адзігітрыя».

Зноскі

↑ Нацыянальны гістарычны архіў Беларусі ў г. Гродна, ф. 1, воп. 19, спр. 1004, арк. 9 — 29.
↑ Нацыянальны гістарычны архіў Беларусі ў г. Гродна, ы. 97, спр. 154, арк. 17.

Літаратура

Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл. — С. 255
Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

Свята-Ушэсцеўская царква (Гарадзец) на сайце «Архіварта»

[1] Нацыянальны гістарычны архіў Беларусі ў г. Гродна, ф. 1, воп. 19, спр. 1004, арк. 9 — 29.

[2] Нацыянальны гістарычны архіў Беларусі ў г. Гродна, ы. 97, спр. 154, арк. 17.

[1]

[2]

Свята-Ушэсцеўская царква
Славутасць

52°12′11″ пн. ш. 24°39′35″ у. д.^HGЯO
Краіна	Беларусь
Аграгарадок	Гарадзец
Канфесія	Праваслаўе
Епархія	Брэсцкая і Кобрынская
Благачынне	Кобрынскае
Архітэктурны стыль	народнае дойлідства
Дата пабудовы	1799 год
Асноўныя даты
1876 — перавезена ў Гарадзец
Статус	Гісторыка-культурная каштоўнасць Беларусі, шыфр 113В000418шыфр 113В000418
Стан	дзейнічае

Медыяфайлы на Вікісховішчы