Слаўнае (Мсціслаўскі раён)

Слаўнае
Краіна	Беларусь
Вобласць	Магілёўская
Раён	Мсціслаўскі
Сельсавет	Падсолтаўскі
Каардынаты	54°05′43″ пн. ш. 31°21′54″ у. д.HGЯO
Першая згадка	1675
Насельніцтва	10 чалавек (2009)
Часавы пояс	UTC+3
Тэлефонны код	+375 2240
Паштовыя індэксы	213451
Аўтамабільны код	6
СААТА	7246836060

Сла́ўнае^[2] (трансліт.: Slaŭnaje, руск.: Славное) — вёска ў Мсціслаўскім раёне Магілёўскай вобласці, на рацэ Рамясцвянцы. Уваходзіць у склад Падсолтаўскага сельсавета. Знаходзіцца за 30 км на паўночны захад ад Мсціслава, за 10 км ад чыгуначнай станцыі Цёмны Лес (лінія Орша — Сураж). Насельніцтва на 2009 год — 10 чалавек^[1].

Гісторыя

Упершыню згадваецца ў 1675 годзе ў сувязі з заснаваннем драўлянай царквы. У 1737 годзе Слаўнае — вёска ў Мсціслаўскім ваяводстве, дзейнічала царква. У XIX стагоддзі Слаўнае належала мясцовым панам Іванскім, маёнтак якіх знаходзіўся ў Курманаве. Станам на 1880 год, значылася як сяло ў Шамаўскай воласці Мсціслаўскага павета, у 1897 годзе працаваў вадзяны млын, а ў 1905 годзе была адчынена вінная крама.

У 1919—1924 гадах вёска знаходзілася ў складзе Смаленскай губерні РСФСР, аднак у выніку першага ўзбуйнення БССР 17 ліпеня 1924 года была вернута Беларусі. На базе дарэвалюцыйнай была створана працоўная школа першай ступені, дзе ў 1926 годзе навучалася 69 чалавек. У 1930 годзе быў увораны калгас «Бязбожнік», які станам на 1932 год аб’ядноўваў 17 гаспадарак, меў 80 га ворнай зямлі, працавала ваўначоска^[3].

Падчас Другой сусветнай вайны Слаўнае з 14 ліпеня 1941 да 29 верасня 1943 года знаходзілася пад нямецкай акупацыяй. Па звестках 1990 года, у вёсцы працавалі калгас, магазін, пачатковая школа. У 2007 годзе Слаўнае — у складзе СВК «Курманава». Да 2013 года вёска ўваходзіла ў склад Раздзельскага сельсавета^[4].

Насельніцтва

XIX стагоддзе: 1880 год — 54 чал., 8 двароў; 1897 год — 101 чал., 17 двароў.
XX стагоддзе: 1909 год — 99 чал., 14 двароў; 1990 год — 38 чал., 24 двары.
XXI стагоддзе: 2007 год — 7 чал., 6 двароў.; 2009 год — 10 чал.^[1]

Славутасці

Свята-Ільінская царква (1-я пал. XIX ст., драўляная).

Зноскі

↑ ^а ^б ^в Насельніцтва ўсіх населеных пунктаў паводле перапісу 2009 Архівавана 2 кастрычніка 2019.
↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ ГВБ, т.7 кн.3, с.85
↑ Решение Могилевского областного Совета депутатов от 20.11.2013 N 23-1 Об изменении административно-территориального устройства некоторых административно-территориальных единиц Могилевской области Архівавана 13 ліпеня 2015.

Літаратура

Гарады і вёскі Беларусі: Энцыклапедыя. Т. 7, кн. 3. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 544 с.: іл. — 2 000 экз. — ISBN 978-985-11-0452-5.

[ref1-1] а ^б ^в Насельніцтва ўсіх населеных пунктаў паводле перапісу 2009 Архівавана 2 кастрычніка 2019.

[2] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

[3] ГВБ, т.7 кн.3, с.85

[4] Решение Могилевского областного Совета депутатов от 20.11.2013 N 23-1 Об изменении административно-территориального устройства некоторых административно-территориальных единиц Могилевской области Архівавана 13 ліпеня 2015.

[2]

[1]

[3]

[4]