Агаленне «Студзянец»
Студзяне́ц[1] — агаленне, геалагічны помнік прыроды рэспубліканскага значэння (з 2007 года[2]) у Мядзельскім раёне Мінскай вобласці Беларусі.
| Геалагічны помнік прыроды | |
| Агаленне «Студзянец» | |
|---|---|
| Краіна | |
| Месцазнаходжанне | |
| Дата заснавання | 2007 |
Агаленне знаходзіцца на беразе возера Нарач, за 1,7 км у напрамку на паўночны захад ад аграгарадка Занарач, ва ўрочышчы Студзянец[1]. Прымеркавана да ўступа азёрнай тэрасы возера. У складзе агалення маюцца слаі торфу ў тоўшчы пяскоў да 6 м у выглядзе лінз і невялікіх слаёў, якія адносяцца да паазерскіх азёрных утварэнняў (алярод і позні дрыяс)[1]. У тарфяных адкладах вылучана аляродская флора ляснога тыпу (хвоя, елка, ляшчына, вярба і інш.).
Агаленне з’яўляецца першым датаваным агаленнем дрыясу і аляроду на тэрыторыі СССР[1]. Узрост хвоі вызначаны каля 10 810 гадоў[1]. Побач са Студзёнкаўскім агаленнем знойдзены прылады працы чалавека эпохі верхняга палеаліту і ранняга мезаліту: крамянёвыя пласціны, скрэблы і інш.
Крыніцы
правіць- ↑ а б в г д БелЭн 2002.
- ↑ Памятники природы республиканского и местного значения (руск.) (Праверана 23 чэрвеня 2023) // Міністэрства прыродных рэсурсаў і аховы навакольнага асяроддзя Рэспублікі Беларусь
Літаратура
правіць- Вінакураў В. Ф. Студзяне́ц // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 219. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі
правіць- Занарач (Праверана 23 чэрвеня 2023) // Нацыянальны парк «Нарачанскі»
- Обнажение «Студенец» Архівавана 23 чэрвеня 2023. (руск.) (Праверана 23 чэрвеня 2023) // Партал Planetabelarus.by