Сымон Кандыбовіч

Сымон Сымонавіч Кандыбовіч (псеўд. Кабыш; 21 ліпеня 1891, в. Старыца, цяпер Капыльскі раён, Мінская вобласць — 27 верасня 1972, Мюнхен) — беларускі дзяржаўны дзеяч, гісторык.

Сымон Кандыбовіч
Дата нараджэння	21 ліпеня 1891(1891-07-21)
Месца нараджэння	Старыца, Ігуменскі павет, Мінская губерня, Расійская імперыя
Дата смерці	27 верасня 1972(1972-09-27) (81 год)
Месца смерці	Мюнхен, Верхняя Баварыя, Баварыя, ФРГ
Месца пахавання	Вестфрыдгоф[d]
Род дзейнасці	дзяржаўны дзеяч, гісторык
Месца працы	Інстытут вывучэння СССР Беларуская служба Радыё «Свабода»

Змест

Біяграфія

Магіла сям'і Сымона Кандыбовіча

Меў вышэйшую адукацыю, працаваў настаўнікам. З 1926 — член ЦК КП(б)Б. У 1932—37 кіраўнік справамі і ўпаўнаважаны камітэта нарыхтовак СНК БССР. У 1940 арыштаваны. У ІІ сусветную вайну супрацоўнічаў з нямецкімі акупацыйнымі ўладамі. У 1941-43 уваходзіў у кіраўніцтва Беларускай народнай самапомачы. Уваходзіў у склад Беларускай цэнтральнай рады, са студзеня 1944 кіраўнік яе фінансавага аддзела, удзельнік ІІ Усебеларускага кангрэса (чэрвень 1944, Мінск). 3 лета 1944 у Германіі. Прымаў удзел у працы Беларускага нацынальнага камітэта. 3 1954 у Мюнхене: супрацоўнік Інстытута па вывучэнні СССР, у беларускім аддзеле радыёстанцыі «Свабода». Аўтар артыкулаў у навуковым часопісе беларускай эміграцыі «Запісы», выданнях Інстытута па вывучэнні СССР па беларускім нацыянальным пытанні, у якіх рабіў высновы, што нацыянальнаму развіццю беларускага народа не спрыяюць ні Польшча, ні Савецкая Расія.

Пахаваны ў Мюнхене на могілках Вестфрыдгоф.

Бібліяграфія

• Сымон Кандыбовіч. Разгром нацыянальнага руху ў Беларусі. — Мінск: БГА, 2000.— 160 с. ISBN 985-6374-15-4.

Літаратура

• Кандыбовіч // БЭ ў 18 т. — Т. 7. — Мн., 1998.
• Юрэвіч Л. Літаратурны рух на эміграцыі. — Мн., 2002.