Сыраежка рудая

Сыраежка рудая (Russula decolorans) — шапкавы базідыяльны грыб з роду Сыраежка (Russula) сямейства Сыраежкавыя (Russulaceae).

Сыраежка рудая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Сыраежка Від:  Сыраежка рудая
Міжнародная навуковая назва
Russula decolorans (Fr.) Fr., 1825
Выявы на Вікісховішчы NCBI   152956 EOL   187960 MB   217638

Апісанне

Пладовае цела грыба — шапка на ножцы. Шапка дыяметрам 5—12 см, паўшарападобная, пазней пляската-ўвагнутая, з тупым і гладкім краем. Колер шапкі цагляна-жоўты, аражава-жоўты. Скурка адстае ад мякаці да паловы шапкі. Мякаць белага колеру, крохкая, з мядовым пахам. З узростам колер мякаці становіцца брудна-шэрым. Ножка грыба мае даўжыню 5—10 см і да 2 см у дыяметры, суцэльная, цыліндрычная, часам звужаецца да нізу. Колер ножкі белы, з узростам становіцца попельна-шэрым. Пласцінкі прырослыя, белаватыя, потым жоўтыя і з узростам набываюць брудна-шэрую афарбоўку. Споры шыпаватыя, жаўтавата-вохрыстага колеру.

Ядомы грыб.

Экалогія і распаўсюджванне

Грыб распаўсюджаны ў Еўразіі і Паўночнай Амерыцы. Расце ў вільготных імшыстых хвойных лясах. Утварае мікарызу пераважна з хвояй. Пладовыя целы з'яўляюцца ў чэрвені—верасні, паасобку і невялікімі групамі.

Літаратура

• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 150. — 192 с. — 60 000 экз.
• Сержанина Г. И. Шляпочные грибы Белоруссии. — Минск: Наука и техника, 1984.

Спасылкі

• Сыроежка сереющая, или сыроежка выцветающая — Russula decolorans (Fr.) Fr. // Экологический Центр «Экосистема» (руск.)