Сычыкі (Брэсцкі раён)

Сычыкі — былая вёска ў Брэсцкім раёне Брэсцкай вобласці. Уваходзіла ў склад Лышчыцкага сельсавета.

Вёска Сычыкі Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°13′18″ пн. ш. 23°26′23″ у. д. Сычыкі на карце Беларусі ±

Гісторыя

У канцы XVIII — пачатку XIX ст. вёска — цэнтр маёнтка княгіні Яблонскай (у першым шлюбе Сапега) у Брэсцкім павеце Слонімскай, з 1797 года — Літоўскай, з 1801 года — Гродзенскай губерні. Паводле рэвізіі 1833 года ў маёнтку, складаўся з фальварка і аднайменнай вёскі. Уласнасць графіні П. Грабоўскай. У 1905 годзе вёска у Лышчыцкай воласці Брэсцкага павета. Непадалёку ад яе знаходзіўся маёнтак.

Паводле Рыжскага мірнага дагавора 1921 года ў складзе Польшчы, у Лышчыцкай гміне Брэсцкага павета Палескага ваяводства.

З 1939 года ў БССР.

4 верасня 1972 года далучана да вёскі Вельямовічы.

Насельніцтва

• XIX стагоддзе:
  • 1833 — 81 прыгонны селянін.
  • 1846 — 10 двароў, 71 жыхар.
• XX стагоддзе:
  • 1905 — 135 жыхароў, у маёнтку — 44 жыхары.
  • 30 верасня 1921 — 11 двароў, 41 жыхар.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх