Сядзібна-паркавы комплекс Путкамераў (Райца)

Сядзібна-паркавы комплекс Путкамераў — помнік дойлідства класіцызму ў в. Райца (Карэліцкі раён). У будынку размешчаная медыцынская ўстанова.

Сядзібна-паркавы комплекс
Сядзібна-паркавы комплекс Путкамераў
Сядзіба Путкамераў у пач. XX ст., Ян Булгак
53°28′25″ пн. ш. 26°01′24″ у. д.
Краіна	Беларусь
Вёска	Райца
Дата пабудовы	XIX стагоддзе

Пабудаваны ў XIX стагоддзі ў маёнтку Слізняў. У пачатку XX стагоддзя сядзіба належала Ваўжынцу Путкамеру.

Архітэктура

Парк у пач. XX ст., Ян Булгак

Аднапавярховы драўляны Т-падобны ў плане будынак накрыты двухсхільным дахам. Сцены атынкаваныя і дэкарыраваныя кутнімі пілястрамі, расчлянёныя вузкімі прамавугольнымі аконнымі праёмамі. Цэнтр галоўнага паўднёва-ўсходняга фасада вылучаны чатырохкалонным порцікам. З боку дваровага фасада да будынка прымыкае выцягнутае крыло. Унутраная планіроўка анфіладная.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Сядзібна-паркавы комплекс Путкамераў (Райца) на сайце Radzima.org
• Сядзібна-паркавы комплекс Путкамераў (Райца) на сайце Глобус Беларусі (руск.)