Сіняхвостка

від птушак

Сіняхвостка (Tarsiger cyanurus) — птушка з сямейства мухалоўкавых.

Сіняхвостка

Самка

Самец
Навуковая класіфікацыя
Міжнародная навуковая назва

Tarsiger cyanurus Pallas, 1773

Сінонімы
  • Luscinia cyanurus
  • Erithacus cyanurus
Арэал
выява

     Толькі гняздуецца      Увесь год

     Раёны міграцыі
Ахоўны статус

Сістэматыка
на Віківідах

Выявы
на Вікісховішчы
ITIS  179838
NCBI  1364862

Апісанне правіць

Мае даўжыню 13-14 см, вагу каля 10-18 грам, размах крылаў 21–24 см. Дробная (драбнейшая за вераб’я) птушка з сінімі надхвосцем і хвастом. У самца ярка-сіняе апярэнне верхняй часткі цела, на плячах, гузцы і хвасце. Сіняя афарбоўка апярэння цямней за ўсё на шчоках і па баках шыі. Ніжняя частка цела сметанковага колеру з ярка-аранжавымі бакамі. Над ілбом і вачыма праходзіць белая паласа.

У самкі апярэнне верхняй часткі цела аліўкава-карычневага колеру, святлей унізе. Гузка і хвост сіняватага колеру, бакавіцы аранжавыя. Маладыя птушкі падобныя на маладых, плямістых заранак.

Песня — набор свістаў. Характэрныя спевы сіняхвосткі пачынаюцца вельмі ціха, затым пераходзяць да гучнай пошчакі «тры-ліі, тры-ліі» і зноў ціха сканчаюцца. Птушка спявае і днём і ноччу, седзячы часцей на вяршыні дрэва. Крык — гучнае «фьіць-трр»[1].

Распаўсюджанне правіць

Таежны від. Гэта нясмелая птушка, якая насяляе густыя хваёвыя і яловыя лясы.

Сіняхвостка мае вялікую вобласць распаўсюджання, якая распасціраецца ад Эстоніі і Фінляндыі праз Сібір да Японіі і Карэі. На поўдні яна распаўсюджаная ў Казахстане, Пакістане, Індыі, Непале і Тайландзе. У 2021 годзе сіняхвостка была адлоўлена і акальцавана на самай поўначы Беларусі, на станцыі кальцавання птушак «Сасновы бор».

Размнажэнне правіць

Сіняхвостка гняздуецца на зямлі, у гнілым пні, дупле або ў паваленым дрэве. У кладцы 5-7 белых з бэжавым вяночкам на тупым канцы яек[2].

Зноскі правіць

  1. Svensson, L., Mullarney, K., & Zetterström, D. Collins Bird Guide, ed. 2.. — 2009. — С. 260. — ISBN 0-00-219728-6.
  2. Handbook of the Birds of the World, vol. 10 / del Hoyo, J.; et al., eds.. — Barcelona: Lynx Edicions. — С. 754. — ISBN 84-87334-72-5.

Літаратура правіць

  • Roger Peterson, Guy Montfort, F. A. D. Hollom: Die Vögel Europas, Verlag Paul Parey, Hamburg und Berlin, 9. Auflage 1966, ISBN 3-490-05518-7
  • R. Boeme, A. Cherenkov, V. Dinez, V. Flint: Birds of Russia, Moscow, 1998.

Спасылкі правіць