Такла-Макан
Та́кла-Мака́н (уйг.: تەكلىماكان قۇملۇقى) — пустыня на захадзе Кітая, у цэнтральнай частцы Кашгарскай раўніны; адна з самых буйных пясчаных пустынь свету. Плошча 337 тыс. км². Даўжыня з захаду на ўсход больш за 1000 км, шырыня да 400 км.
| Такла-Макан? | |
|---|---|
| кіт.: 塔克拉瑪干沙漠 уйг.: تەكلىماكان قۇملۇقى кіт.: 塔克拉玛干沙漠 | |
 | |
| 38°53′28″ пн. ш. 82°10′40″ у. д.HGЯO | |
 Медыяфайлы на Вікісховішчы |
ПрыродаПравіць
Пераважаюць вышыні 800—1300 м, найбольшая вышыня 1664 м (г. Чонгтаг). Большая частка тэрыторыі ўкрыта пяскамі (месцамі магутнасцю да 300 м). Характэрны барханы, дзюны, замацаваныя ўзгоркі, на ўскраінах гліністыя ўчасткі з саланчакамі. Такла-Макан з захаду і поўначы агінае рака Тарым, у вільготныя гады перасякае рака Хатан. Клімат рэзка кантынентальны, сухі. Ападкаў да 100 мм за год. Моцныя вятры, пясчаныя буры. Большая частка паверхні без расліннага покрыва. У вільготных месцах — тамарыск, салянкі, сялітранкі, па далінах рэк — рэшткі тугайных таполевых лясоў, рэдкія аазісы.
ЛітаратураПравіць
- Лаўрыновіч М. В. Такла-Макан // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).