Таіці

Таіці — галоўны востраў архіпелага Астравы Таварыства і ўсёй Французскай Палінезіі. На востраве размешчаны адміністрацыйны цэнтр Французскай Палінезіі — горад Папеэтэ. Плошча 1043 км², насельніцтва каля 170 тыс. чалавек.

Таіці
фр.: Tahiti
Таіці знакаміты чорнымі пляжамі
Характарыстыкі
Плошча	1 043 км²
Насельніцтва	178 133 чал. (2007)
Размяшчэнне
17°40′ пд. ш. 149°27′ з. д.
Акваторыя	Астравы Таварыства
Краіна	Французская Палінезія
Таіці
Медыяфайлы на Вікісховішчы

Востраў Таіці вулканічнага паходжання і складаецца з двух выразных частак, спалучаных паміж сабой вузкім перашыйкам. Паўночная частка — густа заселены востраў Таіці-Нуі (Вялікі Таіці), паўднёвая частка — амаль бязлюдны Таіці-Іці (Малы Таіці).

У складзе насельніцтва пераважаюць палінезійцы (83 %), вялікая доля еўрапейцаў (11 %). Дакладная дата засялення вострава невядомая (паміж 300 да н.э. і 300 н.э.). Вядома, што таіцянскае насельніцтва паходзіць ад перасяленцаў з іншых палінезійскіх астравоў, такіх як Тонга і Самоа.