Трухлякі

Трухлякі (Pythidae) — сямейства жукоў падатраду разнаедных. Каля 300 відаў. Пашыраны ўсюды. Жывуць пад карой пераважна хвойных парод. На Беларусі 2 віды, часцей трапляецца трухляк плоскі (Pytho depressus).

Трухлякі
Трухляк плоскі (Pytho depressus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Cucujiformia Надсямейства:  Tenebrionoidea Сямейства:  Трухлякі
Міжнародная навуковая назва
Pythidae Solier, 1834
Сінонімы
Ischyomiinae Champion, 1886 Osphyoplesiini Pythinae Solier, 1834
Сістэматыка на Віківідах Выявы на Вікісховішчы ITIS   678379 NCBI   295957 EOL   8607 FW   69531

Апісанне

Даўжыня да 20 мм. Цела плоскае, чорнае з металічным зялёным, фіялетавым або чырвоным бляскам; брушка, вусікі і ногі чырвона-карычневыя. Вусікі 11-членікавыя, ніткападобныя, патоўшчаныя на верхавінцы. Галава выцягнута ў галаватрубку. Сілкуюцца гнілым лубам, некаторыя драпежнікі. Лічынкі прадаўгаватыя, плоскія, карычняватыя або жоўтыя, з 2 вырастамі на заднім канцы цела.

Літаратура

• Максімава С. Л. Трухлякі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15). — С. 540.