Украінскі каталіцкі ўніверсітэт

Украінскі каталіцкі ўніверсітэт (укр.: Український католицький університет) — украінская недзяржаўная рэлігійная і свецкая вышэйшая навучальная ўстанова са статусам універсітэта, размешчаная ў горадзе Львове. Заснавана Украінскай грэка-каталіцкай царквой, выдае выпускнікам дыпломы дзяржаўнага ўзора.

Украінскі каталіцкі ўніверсітэт (УКУ)
Український католицький університет
Цэнтр Мітрапаліта Андрэя Шаптыцкага
Арыгінальная назва	Український католицький університет
Міжнародная назва	The Ukrainian Catholic University
Дэвіз	Спазнай самога сябе
Заснаваны	1928
Год закрыцця	1939
Год рэарганізацыі	1994
Тып	духоўная навучальная ўстанова
Рэктар	Багдан Прах
Прэзідэнт	Барыс Гудзяк
Рэктар	Bogdan Prach[d]
Краіна	Украіна
Размяшчэнне	Львоў
Юрыдычны адрас	вул. І. Свянціцкага 17, Львоў, 79011, Украіна
Сайт	ucu.edu.ua
Медыяфайлы на Вікісховішчы

Структура

Факультэты, школы і цэнтры

• Філасофска-тэалагічны факультэт
• Гуманітарны факультэт
• Факультэт навук пра здароўе
• Факультэт грамадскіх навук
• Факультэт прыкладных навук
• Львоўская бізнес школа
• Цэнтр сучасных замежных моў

Фундацыі і філіялы

• Кіеўскі цэнтр
• Украінскі каталіцкі адукацыйны фонд у ЗША
• Інстытут св. Клімента Папы ў Рыме
• Украінскі інстытут у Лондане
• Украінская каталіцкая фундацыя ў Вялікабрытаніі
• Украінскі каталіцкі адукацыйны фонд у Канадзе
• Філіял універсітэта ў Аргенціне

Кампус

• вул. Свянціцкага 17 - рэктарат і большасць адміністрацыйных аддзелаў. У корпусе навучаюцца студэнты праграм па сацыялогіі, сацыяльнай педагогікі, псіхалогіі, функцыянуе Інстытут гісторыі царквы і інш.
• вул. Хутарыўка 35а - філасофска-багаслоўскі факультэт, Інстытут экуменічных студыяў, музей універсітэта, вучацца студэнты праграм па журналістыцы і медыякамунікацыям і інш.
• вул. Казельніцкай 2а - акадэмічны корпус, калегіум імя Патрыярха Іосіфа Сляпога, універсітэцкі храм, цэнтр імя Мітрапаліта Андрэя Шаптыцкага і інш.

Навучанне

Царква Святой Сафіі - Прамудрасці Божай на тэрыторыі студэнцкага мястэчка ўніверсітэта

Бакалаўрскія праграмы

• Багаслоўе
• Artes liberales
• Сацыялогія
• Псіхалогія
• Сацыяльная педагогіка
• Этыка-Палітыка-Эканоміка
• Камп'ютарныя навукі
• ІТ і бізнес-аналітыка

Магістарскія праграмы

• Багаслоўе
• Інавацыі і прадпрымальніцтва
• Гісторыя і археалогія
• Экуменічныя навукі
• Журналістыка
• Клінічная псіхалогія (кагнітыўна-паводніцкая тэрапія)
• Клінічная псіхалогія (псіхадынамічная тэрапія)
• Медыякамунікацыі
• Навука пра дадзеныя
• Правы чалавека
• Публічнае ўпраўленне і адміністраванне
• Тэхналогіі і інавацыі ў сацыяльнай рабоце
• Упраўленне непрыбытковымі арганізацыямі
• Упраўлення тэхналогіямі
• Упраўленне персаналам і арганізацыйнае развіццё
• Фізічная тэрапія і эргатэрапія
• Хрысціянская педагогіка і арганізацыя вольнага часу
• Бізнес-адміністраванне
• Упраўленне маркетынгавай дзейнасцю

Праграмы аспірантуры

• Багаслоўе
• Гісторыя і археалогія

Гісторыя

У XX ст. арганізацыя багаслоўскай адукацыі Украінскай Грэка-Каталіцкай Царквы зазнала адчувальных зменаў. Мітрапаліт Андрэй Шаптыцкі ўжо ў 1905 г. на сесіі аўстрыйскага парламента патрабаваў заснаваць украінскі універсітэт. Ліхалецце Першай сусветнай вайны і неспрыяльныя палітычныя абставіны таго часу не дазволілі хутка рэалізаваць гэты намер. 6 кастрычніка 1929 г. адбылося ўрачыстае адкрыццё Грэка-Каталіцкай Багаслоўскай Акадэміі ў Львове. Першым рэктарам быш прызначаны айцец доктар Іосіф Сляпы. Аб'яднаўшы вакол сябе вядучыя колы заходнеўкраінскай інтэлігенцыі, акадэмія адразу ж стала цэнтрам багаслоўскіх і філасофскіх навук. На тэрыторыі міжваеннай Польшчы гэта быў адзіная вышэйшая ўкраінская навучальная ўстанова. За 10 гадоў існавання акадэмія значна разраслася: адкрыліся новыя факультэты, кафедры, прафесарскі склад павялічыўся да 40 чалавек, развілася выдавецкая справа, сфармавалася бібліятэка.

Пасля прыходу ў Галічыну савецкіх войскаў у верасні 1939 г. акадэмія была зачынена, а студэнты рэпрэсаваныя. У выніку нямецкай бамбардзіроўкі 15 верасня 1939 г. разбураная акадэмічная Царква св. Духа і бібліятэка. Падчас нямецкай акупацыі ў акадэміі, хоць і з невялікім прафесарскім складам, аднавілася навучанне, а ў 1942 г. Святы прастол нават дазволіў акадэміі стварыць аспірантуру. З 500 студэнтаў, якія вучыліся ў 1941-1944 гг., толькі 60 атрымалі дыпломы. Пасля паўторнай савецкай акупацыі вясной 1945 г. багаслоўская акадэмія была канчаткова зачынена. Значная колькасць выпускнікоў і прафесараў акадэміі (у тым ліку шматгадовы рэктар, а пасля смерці мітрапаліта Андрэя Шаптыцкага і кіраўнік УГКЦ Іосіф Сляпы) апынуліся ў сібірскім ГУЛАГу.

У 1963 г. пасля 18 гадоў заключэнняў і лагераў у Рым прыехаў патрыярх Іосіф Сляпы. Адзін з першых яго дэкрэтаў тычыўся Украінскага каталіцкага ўніверсітэта. Крыху пазней патрыярх заснаваў калегіўм св. Сафіі. У 1992 г. па блаславенні кіраўніка УГКЦ кардынала Любачыўскага была створаная камісія ў справе аднаўлення багаслоўскай акадэміі ў Львове. У 1994 г. Сінод біскупаў УГКЦ прагаласаваў за яе аднаўленне. У верасні гэтага ж года акадэмія была афіцыйна адкрыта. Пасля адкрыцця акадэміі ў 1994 г., прыёму студэнтаў і першых двух гадоў навучання кіраўніцтва акадэміі пачала працу над яе акрэдытацыяй. А ўжо ў 1998 г. акадэмія атрымала прызнанне Кангрэгацыі каталіцкай адукацыі. Дыплом бакалаўра багаслоўя, які атрымалі першыя выпускнікі акадэміі ў 1999 г., прызнаецца ўсімі каталіцкімі і многімі свецкімі навучальнымі ўстановамі свету.

Адкрыццё Украінскага каталіцкага ўніверсітэта ў Львове, якое адбылося 28 чэрвеня 2002 г., завяршыла амаль стогадовыя намаганні грэка-каталіцкай царквы і ўкраінскіх навукоўцаў стварыць вышэйшую навучальную ўстанову, якая б паўстала на глебе хрысціянскай духоўнасці, культуры і светапогляду і стала б значным адукацыйным і навуковым цэнтрам.

Спасылкі

• Афіцыйная старонка (укр., англ.) Архівавана 3 красавіка 2022.