Уладзімір Міхайлавіч Калешка

Уладзімір Міхайлавіч Калешка (нар. 23 студзеня 1942, в. Малышэвічы, Слуцкі раён, Мінская вобласць) — беларускі спецыяліст у галіне цвердацельнай мікраэлектронікі і інтэгральнай схематэхнікі, аўтар навуковага адкрыцця па акустаэлектроннай з’яве галаўнога мозгу. Доктар тэхнічных навук (1980), прафесар (1982). Акадэмік Беларускай інжынернай тэхналагічнай акадэміі (1990), ганаровы акадэмік Каралеўскай акадэміі Іспаніі (1991), правадзейны член Міжнароднай акадэміі інфарматызацыі (1992), Міжнароднай акадэміі экалогіі (1992).

Уладзімір Міхайлавіч Калешка
Дата нараджэння	23 студзеня 1942(1942-01-23) (82 гады)
Месца нараджэння	Малышэвічы, Рачкавіцкі сельсавет, Слуцкі раён, Мінская вобласць, БССР, СССР
Грамадзянства	Беларусь
Месца працы	машынабудаўнічы факультэт БНТУ Інстытут фізіка-арганічнай хіміі НАН Беларусі Інстытут электронікі НАН Беларусі
Навуковая ступень	доктар тэхнічных навук
Навуковае званне	прафесар
Альма-матар	БНТУ Фізіка-тэхнічны інстытут НАН Беларусі
Член у	Беларуская інжынерная тэхналагічная акадэмія Міжнародная акадэмія інфарматызацыі[d]
Прэміі
Узнагароды

Біяграфія

Скончыў Беларускі політэхнічны інстытут (1966), Фізіка-тэхнічны інстытут АН БССР (аспірантура, 1971).

Працаваў у Інстытуце электронікі АН БССР (1976—1989, загадчык аддзела цвердацельнай мікраэлектронікі), Інстытуце фізіка-арганічнай хіміі АН БССР (з 1989, загадчык лабараторыі), Беларускім нацыянальным тэхнічным універсітэце (1998—2013, машынабудаўнічы факультэт, кафедра «Інтэлектуальныя сістэмы», загадчык кафедры).

Навуковыя інтарэсы: мікра- і нанаэлектроніка; акуста- і біяэлектроніка; мікрапрацэсарныя сенсарныя сістэмы і элементная база камп’ютарнай тэхнікі; інфарматыка чалавека і медыцынскае апаратабудаванне і бяспека жыццядзейнасці; інтэлектуальныя прыборы, тэхналогіі і сістэмы.

Узнагароды

Званні лаўрэата Дзяржаўнай прэміі БССР (1982), заслужанага радыста і вынаходніка СССР (1982), залатыя (5) і сярэбраныя (2) медалі ВДНГ СССР, Ганаровая грамата Вярхоўнага Савета Казахскай ССР (1963).

Бібліяграфія

• Физико-химические методы стимулирования технологических процессов микроэлектроники : автореферат диссертации … доктора технических наук : 05.12.18 / Колешко Владимир Михайлович. — Минск, 1980.

Літаратура

• М. П. Савік. Калешка Уладзімір Міхайлавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 398—399. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Колешко Владимир Михайлович / Н. П. Савик // Республика Беларусь : энциклопедия : [в 7 т.]. — Минск, 2007. — Т. 4. — С. 141.