Уладзімір Сцяпанавіч Лаўрыновіч

Уладзімір Сцяпанавіч Лаўрыно́віч (15 (28) снежня 1913 — 31 студзеня 1945) — удзельнік Вялікай Айчыннай вайны, Герой Савецкага Саюза (1945).

Уладзімір Сцяпанавіч Лаўрыновіч
Дата нараджэння	28 снежня 1913(1913-12-28)
Месца нараджэння	Порса, Вілейскі павет, Віленская губерня, Расійская імперыя
Дата смерці	31 студзеня 1945(1945-01-31) (31 год)
Месца смерці	Усходняя Прусія, Вольная дзяржава Прусія, Трэці рэйх
Месца пахавання	Вармінска-Мазурскае ваяводства
Прыналежнасць	СССР
Род войскаў	пяхота
Гады службы	1944—1945
Званне	сяржант
Бітвы/войны	Вялікая Айчынная вайна
Узнагароды і званні

Біяграфія

Нарадзіўся 15 (28) снежня 1913 года ў вёсцы Порса (зараз у Вілейскім раёне Мінскай вобласці Беларусі). У Чырвонай Арміі з 1944 года. Удзельнік Вялікай Айчыннай вайны на 2-м Беларускім і 3-м Беларускім франтах.

Кулямётчык 338-га стралковага палка (96-я стралковая дывізія, 48-я армія, 3-і Беларускі фронт) вызначыўся ў час ліквідацыі групоўкі праціўніка на тэрыторыі Усходняй Прусіі у раёне населенага пункта Калькштайн (сучасны Вапнік, Польшча). 31 студзеня 1945 г. адбіваў атакі праціўніка пры падтрымцы танкаў і самаходных гармат. У крытычны момант бою сяржант Лаўрыновіч кінуўся пад варожы танк са звязкай гранат і падарваў яго.

Быў пахаваны ў горадзе Арнэта (Польшча). Пазней перапахаваны ў горадзе Бранева (Вармінска-Мазурскае ваяводства).

Узнагароды

• Медаль «Залатая Зорка»
• Ордэн Леніна

Памяць

• Сяржант У. С. Лаўрыновіч навечна залічаны ў спіс часці, у якой служыў.
• Імем Героя названая адна з вуліц горада Вілейка.
• Мемарыяльная дошка ў вёсцы Порса на доме, у якім нарадзіўся і жыў У. С. Лаўрыновіч.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 161. — 10 000 экз. — ISBN 985-11-0035-8. — ISBN 985-11-0155-9 (т. 9).
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Спасылкі

• Уладзімір Сцяпанавіч Лаўрыновіч на сайце «Героі краіны»
• Герои Вилейщины // Вилейский районный исполнительный комитет Архівавана 21 сакавіка 2016. (руск.)