Уланаўшчына (Маладзечанскі раён)

Ула́наўшчына[1] (трансліт.: Ulanaŭščyna, руск.: Улановщина) — вёска ў Маладзечанскім раёне Мінскай вобласці. Уваходзіць у склад Красненскага сельсавета. Знаходзіцца за 12 км на паўднёвы ўсход ад горада Маладзечна, за 66 км ад Мінска.

Вёска
Уланаўшчына
Краіна
Вобласць
Раён
Сельсавет
Каардынаты
Насельніцтва
  • 49 чал. (2010)
Часавы пояс
Тэлефонны код
+375 1773
Паштовыя індэксы
222331
Аўтамабільны код
5
Уланаўшчына на карце Беларусі ±
Уланаўшчына (Маладзечанскі раён) (Беларусь)
Уланаўшчына (Маладзечанскі раён)
Уланаўшчына (Маладзечанскі раён) (Мінская вобласць)
Уланаўшчына (Маладзечанскі раён)

Гісторыя правіць

З канца XVIII стагоддзя вёска вядома як прыватнае ўладанне. Знаходзілася ў Вілейскім павеце Мінскай губерні Расійскай імперыі. Належала памешчыкам Базарэвічу і Яблонскаму. У другой палове XIX стагоддзя вёска ў складзе маёнтка Воўкаўшчына, у Краснасельскай воласці Вілейскага павета Віленскай губерні. У 1861 годзе 34 рэвізскія сялянскія душы, уласнасць памешчыка Юркевіча. У 1870 годзе цэнтр Уланаўшчынскай сельскай грамады, у склад якой уваходзілі 20 населеных пунктаў. У пачатку XX стагоддзя 241 дзесяціна зямлі.

Савецкая ўлада абвешчана ў лістападзе 1917 года. З лютага да снежня 1918 года вёска акупіравана войскамі Германіі. 25 сакавіка 1918 года тэрыторыя абвяшчалася часткай Беларускай Народнай Рэспублікі. З снежня 1918 года адноўлена савецкая ўлада, з 1 студзеня 1919 года тэрыторыя ў складзе БССР, з 27 лютага 1919 года — у ЛітБел ССР. У час польска-савецкай вайны з ліпеня 1919 года да ліпеня 1920 года і з кастрычніка 1920 года занята польскімі войскамі.

З 1921 года ў складзе Польскай Рэспублікі, належала да Віленскага ваяводства, Вілейскага павета, гміны Краснае[2].

З 1939 года ў БССР, з 12 кастрычніка 1940 года цэнтр Уланаўшчынскага сельсавета Радашковіцкага раёна Вілейскай вобласці. У Вялікую Айчынную вайну з канца чэрвеня 1941 года да пачатку ліпеня 1944 года акупіравана нацыстамі. З 20 верасня 1944 года ў Маладзечанскай вобласці. У 1950 годзе створаны калгас «Новы шлях». З 16 ліпеня 1954 года ў Красненскім сельсавеце, з 20 студзеня 1960 года ў Маладзечанскім раёне Мінскай вобласці. Землі ў складзе калгаса «Прагрэс». У вёсцы размешчана школа.

Насельніцтва правіць

  • 1800 год — 54 жыхары, 8 двароў.
  • 1866 год — 95 жыхароў, 11 двароў[3].
  • 1897 год — 142 жыхары, 23 двары.
  • 1921 год — 187 жыхары, 31 двор[4].
  • 1931 год — 206 жыхароў, 34 двары[5].
  • 1969 год — 219 жыхароў, 57 двароў.
  • 2001 год — 95 жыхароў, 47 гаспадарак.
  • 2010 год — 52 жыхары, 29 гаспадарак.

Заўвагі правіць

  1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
  2. Wykaz miejscowości Rzeczypospolitej Polskiej, Warszawa 1938, wolumin — 1, s. 58.
  3. http://dir.icm.edu.pl/pl/Slownik_geograficzny/
  4. Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 84.
  5. Wykaz miejscowości Rzeczypospolitej Polskiej, Warszawa 1938, wolumin — 1, s. 28

Літаратура правіць

Спасылкі правіць