Урб@н.М. Адзін дзень не майго жыцця
«Урб@н. М. Адзін дзень не майго жыцця» — раман беларускай пісьменніцы Людмілы Шчэрбы. Выдадзены ў 2017 годзе, выдавецтва А. Янушкевіча.
Урб@н.М. Адзін дзень не майго жыцця | |
---|---|
Жанр | Проза |
Аўтар | Людміла Шчэрба |
Дата першай публікацыі | 2017 |
Выдавецтва | Янушкевіч |
Колькасць старонак | 286 |
ISBN | 978-985-90386-6-2 |
Змест
правіцьСама аўтар характарызуе твор, як нанараман-правакARTцыя[1]. Твор напісаны ў жанры мэшап (ад англ. mash-up — «змешваць кампазіцыі»). Гэтая ідэя прыйшла са свету камп’ютарных тэхналогій і музычных рэміксаў, дзе выкарыстоўваюць элементы з некалькіх розных крыніц і аб’ядноўваюць іх у новы арыгінальны твор.
Галоўныя героі, Макс (піяршчык) і Ганна (пісьменніца), сустракаюцца ў горадзе М., і ўсе іх прыгоды пачынаюцца з яблыка[2]. Кніга ўмоўна падзелена на дзве часткі, гэта «раман у рамане»: адзін напісаны аўтарам, другі — героем. Падзеі разгортваюцца ў 2012—2014 і, адпаведна, у 1642—1654 гадах[3] у горадзе, падобнага да Мінску, аўтар паказвае і прыгажосць старога горада з яго вузкімі вулачкамі, і горад сучасны. Аўтар адсылае сваіх герояў у іншых іпастасях на чатыры стагоддзі назад, у 1648 год — у Баркалабава, Смаленск, Магілёў… Ваенны паход цара Аляксея Міхайлавіча на беларускія землі ў 1654 і абарона ўсходніх земляў Вялікага Княства Літоўскага ад маскоўскіх войскаў, бітва пад Лоевам, абарона Магілёва, Радзівілы і Сапегі.
Знайшлося тут месца і дэтэктыўнай лініі: героі выяўляюць, што ў іх сем’ях захоўваюцца старонкі Баркалабаўскага летапісу, а неўзабаве гэты скарб выкрадаюць. Аматарам філасофскай прозы прыйдзецца даспадобы біблейская прытчавая частка, а філолагаў зацікавяць развагі галоўнай гераіні пра «раўнапраўе ў моўных канструкцыях»[1].
Раман «Урб@н. М: Адзін дзень не майго жыцця» выклікаў станоўчыя водгукі ў крытыкаў, яго назвалі «новай з’явай у беларускай літаратуры»[4].
Прэзентацыя кнігі
правіцьУпершыню кніга была прадстаўлена на XXIV Мінскай міжнароднай кніжнай выставе-кірмашы. Адначасова прэзентацыя кнігі стала першай аўтограф-сесіяй для аўтара[5].
Намінацыі
правіць- 2017 год — шорт-ліст літаратурнай прэміі «Гліняны Вялес»
- 2018 год — шорт-ліст літаратурнай «прэміі імя Ежы Гедройца»[6]
Зноскі
- ↑ а б Раўнапраўе места і горада . Літаратура і мастацтва (14 чэрвеня 2017). Праверана 7 верасня 2019.
- ↑ Беларускія кніжныя навінкі на Міжнароднай выставе . Наша Ніва (9 лютага 2017). Праверана 11 ліпеня 2019.
- ↑ Л. Шчэрба. Урбан.М: Адзін дзень не майго жыцця . Выдавецтва Янушкевіча. Праверана 7 верасня 2019.(недаступная спасылка)
- ↑ Весялуха М.. Я патрабую сваё фота на вокладцы! . Літаратура і мастацтва (27 лістапада 2018). Праверана 7 верасня 2019.
- ↑ Людміла Шчэрба дэбютуе аўтограф-сесіяй на Менскім кніжным кірмашы(недаступная спасылка). Беларускае Радыё Рацыя (12 лютага 2017). Архівавана з першакрыніцы 27 лістапада 2021. Праверана 7 верасня 2019.
- ↑ Аргкамітэт Прэміі імя Ежы Гедройца абвяшчае Поўны спіс намінантаў(недаступная спасылка). Саюз беларускіх пісьменнікаў (14 чэрвеня 2018). Архівавана з першакрыніцы 17 сакавіка 2020. Праверана 7 верасня 2019.
Рэцэнзіі
правіць- Будовіч, Я. Урб@н.М і яго насельнікі // Верасень : часопіс. — 2018. — № 18. — С. 217—221.
- Гапееў, В. У кожнай жанчыне — свая варона // Літаратурная Беларусь (Новы Час) : газета. — 30 чэрвеня 2017. — В. 539. — № 25. — С. 17.
- Грушэцкі, А. Раўнапраўе места і горада // Літаратура і мастацтва : газета. — 9 чэрвеня 2017. — В. 4926. — № 23. — С. 7. Архівавана з першакрыніцы 16 верасня 2017.
- Трафімчык, А. Urbi et Orbi(t): чарговы раз пра новы раман Людмілы Шчэрбы // Верасень : часопіс. — 2017. — № 17. — С. 239.
- Якавенка, Н. Постмадэрнісцкая чуллівасць, або Мэшап па-беларуску // Роднае слова : часопіс. — 2017. — В. 354. — № 6. — С. 20—22.
Літаратура
правіць- Весялуха, М. Я патрабую сваё фота на вокладцы! // Літаратура і мастацтва : газета. — 23 лістапада 2018. — В. 5001. — № 46. — С. 7.