Вікіпедыя

Фабіу Куэнтран

партугальскі футбаліст

Фабіу Алешандры да Сілва Куэнтран[3] або Фабіу Каэнтрау (парт.: Fábio Alexandre da Silva Coentrão; нар. 11 сакавіка 1988, Віла-ду-Конды, Партугалія) — партугальскі футбаліст, левы абаронца. Ігрок нацыянальнай зборнай Партугаліі (2009—2017).

Футбол
Фабіу Куэнтран
Агульная інфармацыя
Поўнае імя Фабіу Алешандры да Сілва Куэнтран
Нарадзіўся 11 сакавіка 1988(1988-03-11)[1][2] (36 гадоў)
Грамадзянства  Партугалія
Рост 179 см
Вага 72 кг
Пазіцыя левы абаронца, левы вінгер
Інфармацыя пра клуб
Клуб завяршыў кар’еру
Маладзёжныя клубы
1999—2005 Партугалія Рыу Аві
Клубная кар’ера[* 1]
2005—2007 Партугалія Рыу Аві 29 (5)
2007—2011 Партугалія Бенфіка 52 (2)
2008 →  Партугалія Насьянал 16 (4)
2008 →  Іспанія Рэал Сарагоса 1 (0)
2009 →  Партугалія Рыу Аві 16 (3)
2011—2018 Іспанія Рэал Мадрыд 58 (1)
2015—2016 →  Францыя Манака 15 (3)
2017—2018 →  Партугалія Спортынг 25 (1)
2018—2019 Партугалія Рыу Аві 21 (0)
2020—2021 Партугалія Рыу Аві 13 (2)
Нацыянальная зборная[* 2]
2005 Партугалія Партугалія (да 18) 1 (0)
2006—2007 Партугалія Партугалія (да 19) 10 (5)
2007 Партугалія Партугалія (да 20) 7 (4)
2009 Партугалія Партугалія (да 21) 7 (5)
2009—2017 Партугалія Партугалія 52 (5)
Узнагароды і медалі
Чэмпіянаты Еўропы
Бронза Польшча/Украіна 2012
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 ліпеня 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 19 верасня 2019
Лагатып Вікісховішча Медыяфайлы на Вікісховішчы

Кар’ера правіць

«Рыу Аві» правіць

Першым прафесійным клубам Фабіу стаў «Рыу Аві» з роднага горада Віла-ду-Конды, з якім Куэнтран заключыў кантракт перад сезонам 2004/05. Дэбютаваў у вышэйшай лізе Партугаліі 14 кастрычніка 2005 года ў сямнаццацігадовым узросце, усяго ў першым сезоне правёў 3 гульні. Паводле вынікаў чэмпіянату «Рыу Аві» заняў апошняе 16-е месца і вылецеў у другую лігу. У наступным сезоне 2005/06 Куэнтран стаў іграком асноўнага складу, правёў 25 гульняў і забіў 4 галы. У лютым 2007 года правёў тыднёвую стажыроўку ў «Чэлсі», паводле вынікаў якой Жазэ Маўрынью аптымістычна ацаніў дадзеныя футбаліста і паабяцаў у далейшым сачыць за прагрэсам Куэнтрана[4].

«Бенфіка» правіць

У тым жа міжсезонні 2007 года заключыў шасцігадовы кантракт з «Бенфікай». Куэнтран дэбютаваў у лісабонскай камандзе ў матчы 3-га кваліфікацыйнага раўнду Лігі чэмпіёнаў супраць «Капенгагена», правёўшы на полі другі тайм. Усяго ў 2007 годзе ў чэмпіянаце Партугаліі правёў 3 гульні і ў студзені 2008 года быў аддадзены ў арэнду ў клуб вышэйшай лігі «Насьянал».

У ліпені 2008 года быў анансаваны пераход на правах арэнды ў нідэрландскі «Феенорд»[5]. Нягледзячы на тое, што бакі прыйшлі да папярэдняй згоды, здзелка не была здзейснена, і Куэнтран на правах арэнды перайшоў у клуб другой іспанскай лігі «Рэал Сарагоса»[6]. У «Сарагосе» прыняў удзел у адной гульні, выйшаўшы на замену на 82 хвіліне ў матчы супраць «Дэпартыва Алавес» пры ліку 4:2. У выніку ў студзені 2009 года вярнуўся ў Партугалію і на правах арэнды правёў палову сезона ў родным «Рыу Аві».

«Рэал Мадрыд» правіць

5 ліпеня 2011 года быў набыты мадрыдскім «Рэалам» за 30 мільёнаў еўра[7]. Першапачаткова трывала гуляў у складзе мадрыдцаў, але пазней, пасля прыходу на пасаду трэнера Карла Анчэлоці, стаў радзей з’яўляцца на полі.

Улетку 2015 года «Рэал» меў намер аддаць абаронцу ў арэнду, на Куэнтрана прэтэндавала шмат замежных клубаў. 26 жніўня 2015 года было афіцыйна абвешчана аб пераходзе Фабіу на правах арэнды ў французскі клуб «Манака»[8]. Улетку 2016 года па заканчэнні арэнды вярнуўся ў «Рэал». У сезоне 2016/17 разам з «Рэалам» выйграў Лігу чэмпіёнаў і чэмпіянат Іспаніі, аднак пры гэтым згуляў толькі ў 6 матчах ва ўсіх турнірах.

Апошнія гады правіць

У ліпені 2017 года быў арандаваны лісабонскім «Спортынгам»[9]. У жніўні 2018 года, разарваўшы кантракт з «Рэалам», вярнуўся ў «Рыу Аві»[10]. Пакінуў каманду па заканчэнні сезона 2018/19. У ліпені 2019 года быў блізкі да пераходу ў ПАОК, аднак у выніку адмовіўся з-за сямейных абставін[11].

У студзені 2020 года абвясціў аб завяршэнні кар’еры, аднак у кастрычніку 2020 падпісаў новы аднагадовы кантракт з «Рыу Аві»[12]. Па заканчэнні сезона 2021/22 паўторна завяршыў кар’еру.

Міжнародная кар’ера правіць

Улетку 2007 года ў складзе зборнай Партугаліі да 20 гадоў згуляў у моладзевым чэмпіянаце свету, прыняўшы ўдзел у 3 гульнях.

Пасля таго, як Фабіу дасягнуў пахвалы ў «Бенфіцы», яго сталі выклікаць у асноўную зборную Партугаліі. Разам з ёй ён прыняў удзел у фінальным турніры чэмпіянату свету ў ПАР, дзе правёў усе 4 матчы зборнай Партугаліі.

Дасягненні правіць

Клубныя правіць

  «Бенфіка»

  «Рэал»

  «Спортынг»

Зноскі

  1. ↑ FABIO COENTRAO alexandre silva // Argentine Soccer Database
  2. ↑ Fabio Coentrao // As — Madrid: Grupo Prisa, 1967. — ISSN 1888-6671
  3. ↑ Напісанне ў адпаведнасці з партугальска-беларускай практычнай транскрыпцыяй
  4. ↑ Биеннале юниорского футбола. sports.ru
  5. ↑ «Фейеноорд» взял в аренду Коэнтрау. sports.ru
  6. ↑ Coentrão Joins Zaragoza On Loan Архівавана 3 жніўня 2008.. Goal.com
  7. ↑ «Бенфика» продала Куэнтрана в «Реал» за € 30 млн Архівавана 8 ліпеня 2011.. championat.com
  8. ↑ «Монако» объявил об аренде Коэнтрау. by.tribuna.com
  9. ↑ «Спортинг» арендовал Коэнтрау у «Реала». by.tribuna.com
  10. ↑ Коэнтрау вернулся в свой родной «Риу Аве». by.tribuna.com
  11. ↑ Переход Коэнтрау в ПАОК сорвался из-за семейных обстоятельств. by.tribuna.com
  12. ↑ Экс-защитник «Реала» Коэнтрау вернулся в «Риу Аве». Он пропустил прошлый сезон. by.tribuna.com

Спасылкі правіць

Узята з "https://be.wikipedia.org/w/index.php?title=Фабіу_Куэнтран&oldid=4164853"