Франц Хогенберг

Франц Хо́генберг (Franz Hogenberg; 1535, Мехелен —1590, Кёльн) — фламандскі гравёр, мастак, картограф.

Франц Хогенберг
нідэрл.: Frans Hogenberg
Дата нараджэння	1535[…] ці 1538
Месца нараджэння	Мехелен, Lordship of Mechelen[d], Бельгія
Дата смерці	1590[…]
Месца смерці	Кёльн, Кёльнскае курфюрства, Куррэйнская імперская акруга[d], Свяшчэнная Рымская імперыя
Грамадзянства	Габсбургскія Нідэрланды
Род дзейнасці	мастак-гравёр, картограф, мастак, гравёр па медзі, дзеяч выяўленчага мастацтва
Жанр	партрэт
Медыяфайлы на Вікісховішчы

Ф.Гогенберг. «Эйндхавен падчас захопу ў 1583» (1585-90)

Сын мюнхенскага гравёра, які пасяліўся ў Мехелене. (Фландрыя). Вучыўся і працаваў у Англіі, Антверпене, супрацоўнічаў з Абрагамам Артэліем, гравіраваў карты для першага геаграфічнага атласа Theatrum Orbis Terrarum (у тым ліку «карту Віда-Ляцкага»). У 1570 годзе ўцёк у Кёльн ад рэлігійных пераследаў, у 1572 годзе разам з кёльнскім тэолагам Георгам Браўнам заснаваў шматтомную серыю «Гарады зямнога свету» (Civitates Orbis Terrarum; апошні, шосты том выйшаў у 1618 годзе) — збор выяваў найважнейшых гарадоў свету, дзякуючы якой заходнееўрапейскі чытач упершыню пазнаёміўся з відарысамі некаторых гарадоў ВКЛ: Гродна, Вільні, Смаленска, гэтак званым Сігізмундавым планам Масквы і г. д. На картах і планах, створаных Хогенбергам ці пад яго рэдакцыяй, Белая Русь выступае як сінонім Маскоўскай дзяржавы.

Літаратура

• Алесь Белы // Энцыклапедыя гісторыі Беларусі. У 6 т.. — Мн. : БелЭн
• Michow H. Die altesten Karten von Russland. Ein Beitrag zur historischen Geographie. Hamburg, 1884.
• Борисовская Н. Старинные гравированные карты и планы XV—XVIII вв. М., 1992.

Спасылкі

• На Вікісховішчы ёсць медыяфайлы па тэме Франц Хогенберг
• Арыгінальны артыкул(недаступная спасылка)