Фёдар Міхайлавіч Стралец

Фёдар Міхайлавіч Стралец (1910—1944) — удзельнік Вялікай Айчыннай вайны, Герой Савецкага Саюза, стралок 1090-га стралковага палка 323-й стралковай дывізіі 3-й арміі 1-га Беларускага фронту, чырвонаармеец.

Фёдар Міхайлавіч Стралец
укр.: Стрілець Федір Михайлович
Дата нараджэння	1 кастрычніка 1910(1910-10-01)
Месца нараджэння	Навуміўка, Ахраміеўская воласць[d], Сосніцкі павет[d], Чарнігаўская губерня, Расійская імперыя
Дата смерці	30 чэрвеня 1944(1944-06-30) (33 гады)
Месца смерці	Рагачоўскі раён, Гомельская вобласць, БССР, СССР
Прыналежнасць	СССР
Званне	чырвонаармеец
Бітвы/войны	Вялікая Айчынная вайна
Узнагароды і званні

Біяграфія

Нарадзіўся 1 кастрычніка 1910 года ў вёсцы Навумаўка (цяпер Карукіўскага раёна Чарнігаўскай вобласці Украіны) ў сям’і селяніна. Украінец.

Працаваў лесарубам у лясніцтве. У 1932 годзе прызваны ў шэрагі Чырвонай Арміі. У 1933 годзе дэмабілізаваўся. Другі раз прызваны ў снежні 1943 года. З гэтага ж часу ў дзеючай арміі. Ваяваў на 1-м Беларускім фронце.

Падчас аперацыі «Баграціён», 24—30 чэрвеня 1944 года стралок 1090-га стралковага палка чырвонаармеец Ф. М. Стралец, удзельнічаючы ў баях за вёску Вялікае Ляда Рагачоўскага раёна Гомельскай вобласці і вёску Залітвінне Кіраўскага раёна Магілёўскай вобласці, агнём з кулямёта адбіў некалькі контратак праціўніка, тым самым нанёс яму значны ўрон у жывой сіле.

30 чэрвеня 1944 года чырвонаармеец Фёдар Міхайлавіч Стралец загінуў у баі.

Памяць

• Імем Фёдара Міхайлавіча названа вуліца ў Гомелі, матэрыялы аб ім захоўваюцца ў Гомельскім абласным краязнаўчым музеі.
• Імем Героя названы вуліцы ў Чарнігаве (рашэннем Чарнігаўскага гарвыканкама Савета дэпутатаў працоўных) і вёсцы Навумаўка.
• У 1966 годзе была выпушчана паштовая марка СССР у гонар Ф. М. Стральца.

Узнагароды

• Указам Прэзідыума Вярхоўнага Савета СССР ад 24 сакавіка 1945 года за ўзорнае выкананне баявых заданняў камандавання і праяўленыя пры гэтым мужнасць і гераізм радавому Фёдару Міхайлавічу Стральцу пасмяротна прысвоена званне Героя Савецкага Саюза.
• Узнагароджаны ордэнам Леніна, медалямі.

Спасылкі

• Стралец, Фёдар Міхайлавіч. Сайт «Героі краіны».
• Козюківський раён.(недаступная спасылка) Видатні землякі(недаступная спасылка) (укр.) .