Вікіпедыя

Філіп Сяргеевіч Рудзік

беларускі футбаліст
(Пасля перасылкі з Філіп Рудзік)
У Вікіпедыі ёсць артыкулы пра іншых людзей з прозвішчам Рудзік.

Філіп Сяргеевіч Рудзік (нар. 22 сакавіка 1987, Ленінград) — беларускі футбаліст расійскага паходжання, паўабаронца клуба «Мёры». Ігрок нацыянальнай зборнай Беларусі (2009—2011).

Футбол
Філіп Рудзік
Агульная інфармацыя
Поўнае імя Філіп Сяргеевіч Рудзік
Мянушка Філ
Нарадзіўся 22 сакавіка 1987(1987-03-22)[1][2][…] (37 гадоў)
Грамадзянства  Беларусь
 Расія
 Казахстан
Рост 184 см
Вага 80 кг[4]
Пазіцыя паўабаронца
Інфармацыя пра клуб
Клуб Беларусь Мёры
Нумар 17
Маладзёжныя клубы
Расія Змена-Зеніт
Клубная кар’ера[* 1]
2005—2010 Беларусь Нафтан (Наваполацк) 100 (22)
2011—2013 Беларусь БАТЭ (Барысаў) 53 (6)
2013 →  Беларусь Гомель 13 (1)
2014 Казахстан Атырау 12 (1)
2014 Казахстан Спартак (Семей) 12 (1)
2015 Польшча Гурнік (Лэнчна) 15 (1)
2015 Беларусь Шахцёр (Салігорск) 9 (0)
2016 Казахстан Жэтысу (Талдыкарган) 7 (0)
2016—2019 Беларусь Нёман (Гродна) 52 (6)
2019 Беларусь Гарадзея 7 (0)
2020 Беларусь Крумкачы (Мінск) 5 (0)
2021 Беларусь Мёры 2 (0)
2022 Беларусь Смаргонь 12 (4)
2023— Беларусь Мёры
Нацыянальная зборная[* 2]
2008 Беларусь Беларусь (да 21) 4 (0)
2009—2011 Беларусь Беларусь 4 (0)
Узнагароды і медалі
Дзяржаўныя і ведамасныя ўзнагароды
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 мая 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Клубная кар’ера

правіць

Выхаванец санкт-пецярбургскай школы «Змена», у 2005 годзе быў запрошаны ў наваполацкі «Нафтан» галоўным трэнерам Вячаславам Акшаевым. З цягам часу стаў ключавым іграком навапалачан. Дапамог наваполацкаму клубу ў 2009 годзе стаць пераможцам Кубка Беларусі. Тады, падчас паўфінальных мачтаў супраць БАТЭ, вызначыўся вострымі выказваннямі ў адрас барысаўскага клуба, чым выклікаў незадаволенасць барысаўскіх аматараў. Пазней, у 2010 годзе, паглыбіў канфлікт з барысаўскімі фанатамі[5].

Тым не менш, у студзені 2011 года разам з Міхаілам Гардзейчуком падпісаў кантракт з БАТЭ. У сезоне 2011 стабільна з’яўляўся ў аснове, а сезон 2012 правёў менш удала, і клуб планаваў выставіць Рудзіка на трансфер. Але падчас падрыхтоўкі да сезона 2013 здолеў належным чынам праявіць сябе і застаўся ў БАТЭ. У пачатку 2013 года гуляў у аснове, за 8 матчаў забіў 3 галы. У маі 2013 года атрымаў траўму, і ў ліпені быў аддадзены ў арэнду «Гомелю». У гомельскім клубе стаў асноўным іграком, гуляў на пазіцыі цэнтральнага паўабаронцы.

Па заканчэнні арэнды ў лістападзе 2013 года вярнуўся ў БАТЭ, а ў снежні 2013 года перайшоў у казахстанскі клуб «Атырау»[6]. У сакавіку 2014 года атрымаў грамадзянства Казахстана, дзякуючы чаму перастаў лічыцца легіянерам у мясцовым чэмпіянаце[7].

У чэрвені 2014 года пакінуў «Атырау»[8] і неўзабаве падпісаў кантракт з іншым казахстанскім клубам — «Спартаком» з Семея[9]. Па выніку сезона «Спартак» заняў апошняе месца і пакінуў мясцовую Прэм’ер-лігу, а Рудзік атрымаў статус свабоднага агента.

У студзені 2015 года падпісаў кантракт з клубам польскай Экстраклясы «Гурнік» з Лэнчны[10]. Аднак замацавацца ў складзе польскага клуба не здолеў. Згуляўшы ў 15 матчах чэмпіянату і забіўшы адзін гол, Рудзік па заканчэнні кантракта 30 чэрвеня пакінуў «Гурнік»[11].

Пасля «Гурнік» прыбыў у стан наваполацкага «Нафтана», аднак ігрок і клуб не здолелі дамовіцца аб фінансавых умовах. У выніку 10 ліпеня 2015 года Філіп падпісаў кантракт з салігорскім «Шахцёрам»[12]. Аднак замацавацца ў складзе салігорцаў не здолеў і па заканчэнні сезона ў лістападзе 2015 года пакінуў клуб[13].

У студзені 2016 пасля прагляду падпісаў кантракт з казахстанскім клубам «Жэтысу»[14]. У ліпені 2016 года адправіўся на прагляд у гродзенскі «Нёман» і неўзабаве падпісаў кантракт[15]. У складзе «Нёмана» замацаваўся ў якасці асноўнага атакуючага паўабаронцы.

У пачатку 2017 года не трэніраваўся з «Нёманам», але ў лютым вярнуўся ў каманду і неўзабаве падоўжыў пагадненне на сезон 2017[16]. Пачынаў сезон, выходзячы на замену, але хутка замацаваўся ў стартавым складзе гродзенскай каманды. У лістападзе 2017 года падоўжыў кантракт з «Нёманам» на наступны сезон[17].

Першую палову сезона 2018 прапусціў з-за цяжкай траўмы. У жніўні 2018 года вярнуўся на поле, спачатку выхадзіў на замену, з кастрычніка стаў з’яўляцца ў стартавым складзе. У снежні 2018 года падпісаў новае пагадненне з гродзенцамі на сезон 2019[18], аднак у чэрвені 2019 года кантракт датэрмінова быў скасаваны[19].

У ліпені 2019 года стаў іграком «Гарадзеі»[20]. У жніўні і верасні гуляў у стартавым складзе, пазней перастаў з’яўляцца на полі. У снежні 2019 года пакунуў «Гарадзею»[21].

У лютым 2020 года падпісаў кантракт з мінскімі «Крумкачамі»[22]. У ліпені 2020 года пакінуў каманду[23], пасля чаго абвясціў аб завяршэнні прафесійнай кар’еры[24].

У ліпені 2021 года ў якасці аматара далучыўся да другалігавых «Мёраў»[25], дзе згуляў у двух матчах. У маі 2022 года стаў іграком «Смаргоні»[26], дапамог клубу па выніках сезона 2022 вярнуцца ў Вышэйшую лігу. У лютым 2023 года пакінуў «Смаргонь»[27].

Сезон 2023 пачаў у складзе «Мёраў».

Міжнародная кар’ера

правіць

У 2009 годзе стаў выклікацца Берндам Штангэ ў нацыянальную зборную Беларусі. У 2009 годзе згуляў у двух матчах за зборную, у 2011 годзе — яшчэ у двух.

Дасягненні

правіць

Крыніцы

правіць
  1. ↑ Filipp Rudik // Transfermarkt — 2000. Праверана 9 кастрычніка 2017.
  2. ↑ Filip Rudzik // FBref
  3. ↑ 90minut.pl — 2003. Праверана 23 верасня 2022.
  4. ↑ https://www.pressball.by/footballstat/filipp_rudik/
  5. ↑ Игрок "Нафтана" Рудик показал болельщикам голый зад Архівавана 4 сакавіка 2016.
  6. ↑ Филипп Рудик подписал контракт с «Атырау» Архівавана 15 снежня 2013.
  7. ↑ Рудик, Афанасьев и Пархачев приняли казахстанское гражданство
  8. ↑ Филипп Рудик покинул "Атырау"
  9. ↑ Филипп Рудик подписал контракт с казахстанским "Спартаком"
  10. ↑ Рудик перешел в польский «Гурник»
  11. ↑ Футбол. Белорусский полузащитник Филипп Рудик уходит из польского "Гурника"
  12. ↑ Филипп Рудик подписал контракт с "Шахтером"
  13. ↑ Пятеро футболистов покидают "Шахтер"
  14. ↑ "Жетысу" объявил о подписании контракта с Филиппом Рудиком
  15. ↑ Филипп Рудик подписал контракт с "Неманом"
  16. ↑ Филипп Рудик подписал новый контракт с "Неманом"
  17. ↑ Якимов, Жуковский, Рудик и еще трое футболистов продлили контракты с "Неманом"
  18. ↑ "Неман" продлил контракт с Рудиком
  19. ↑ "Неман" расторг контракт с Рудиком
  20. ↑ Рудик перешел в "Городею"
  21. ↑ Рудик покинул "Городею"
  22. ↑ Рудик стал игроком НФК
  23. ↑ Филипп Рудик покинул НФК "Крумкачы"
  24. ↑ Филипп Рудик: "Я обманул Драгуна и Штанге, и сборная вырвала ничью в Румынии"
  25. ↑ Футбол. Филипп Рудик будет выступать за "Миоры" из второй лиги(недаступная спасылка). Архівавана з першакрыніцы 9 сакавіка 2022. Праверана 21 ліпеня 2021.
  26. ↑ Филипп Рудик и Павел Горбач пополнили ряды "Сморгони"
  27. ↑ Рудик расстался со "Сморгонью" (руск.). football.by (14 лютага 2023). Праверана 14 лютага 2023.

Спасылкі

правіць
Узята з "https://be.wikipedia.org/w/index.php?title=Філіп_Сяргеевіч_Рудзік&oldid=4917121"