Ціт Бычкоўскі

Ціт Бычкоўскі (1799, г. Лагойск — 1843) — беларускі жывапісец.

Ціт Бычкоўскі
Дата нараджэння	1799(1799)
Месца нараджэння	Лагойск, Барысаўскі павет, Мінская губерня, Расійская імперыя
Дата смерці	1843(1843)
Грамадзянства	Расійская імперыя
Род дзейнасці	мастак
Вучоба	Віленскі ўніверсітэт Мюнхенская акадэмія мастацтваў
Медыяфайлы на Вікісховішчы

Біяграфія

З прыгонных графа Тышкевіча. Вучыўся ў Віленскім універсітэце (да 1829, у Я. Рустэма), Дрэздэне, Мюнхенскай акадэміі мастацтваў (1836-42). У 1843 паехаў y Венецыю, дзе раптоўна скончыў жыццё самагубствам.

Творчасць

«Партрэт Юльюша Славацкага» працы Ц. Бычкоўскага

Аўтар бытавых карцін на тэмы жыцця прыгонных сялян («Касец точыць касу», «Дзяўчынка з разбітым збанам», «Музыкант настройвае віяланчэль», «Варажбітка прадказвае лёс», «Святая Вікторыя збірае сродкі для беднякоў»), партрэта Ю. Славацкага (1831), К. Княжэвіча, генерала С. Вайчынскага (1836, музей А. Міцкевіча ў Варшаве) і іншых.

Літаратура

• Бычкоўскі Ціт // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Бычкоўскі Ціт // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0.
• Бычкоўскі Ціт // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 138. — 800 с. — 5 000 экз. — ISBN 985-11-0026-9.