Ціт Рыгоравіч Сянькоў
Ціт Рыгоравіч Сянько́ў[1] (2 красавіка 1917, вёска Старакожаўка, Дрыбінскі раён, Магілёўская вобласць — 22 лютага 1985) — ваенны лётчык, Герой Савецкага Саюза (1944).
Ціт Рыгоравіч Сянькоў | |
---|---|
Дата нараджэння | 2 красавіка 1917 |
Месца нараджэння | |
Дата смерці | 22 лютага 1985 (67 гадоў) |
Месца смерці | |
Альма-матар | |
Грамадзянства | |
Прыналежнасць | СССР |
Званне | палкоўнік |
Бітвы/войны | |
Узнагароды і званні |
Біяграфія правіць
З сялян. Член КПСС з 1943 года. Скончыў Дрыбінскі заатэхнікум (1937), Краснадарскае ваеннае авіяцыйнае вучылішча лётчыкаў-назіральнікаў (1940). У Вялікую Айчынную вайну з 1941 года на Заходнім, Сталінградскім, 1-м і 2-м Украінскім франтах, штурман звяна, эскадрыллі бамбардзіровачнага авіяпалка. Удзельнік Сталінградскай, Арлоўска-Курскай, Корсунь-Шаўчэнкаўскай, Яска-Кішынёўскай, Львоўскай, Вісла-Одэрскай і Берлінскай аперацый. Штурман эскадрыллі капітан Сянькоў да чэрвеня 1944 года зрабіў 123 баявыя вылеты. Бомбавымі ўдарамі каля г. Знаменка Кіраваградскай вобл. 7 снежня 1943 года эскадрылля Сянькова знішчыла 8 танкаў, 10 аўтамашын з войскамі і грузам, заглушыла 20 агнявых кропак праціўніка, чым садзейнічала савецкім войскам у авалодванні горадам Знаменка.
Пасля вайны Ціт Рыгоравіч Сянькоў працягваў службу ў Савецкай Арміі. У 1948 годзе скончыў Вышэйшую афіцэрскую авіяцыйную школу, у 1954 годзе Курсы ўдасканалення афіцэрскага саставу, у 1958 годзе - Ваенна-паветраную акадэмію. З 1961 года палкоўнік Ц. Р. Сянькоў у запасе. Пражываў у Адэсе.
Зноскі
Літаратура правіць
- Сянько́ў Ціт Рыгоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 352—353. — 10 000 экз. — ISBN 985-11-0035-8. — ISBN 985-11-0251-2 (т. 15).
- Сянько́ў Ціт Рыгоравіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 480. — 10 000 экз. — ISBN 985-11-0214-8.
- Беларуская ССР: Кароткая энцыклапедыя ў 5 т. / Рэд. кал.: І. П. Шамякін і інш. — Мн.: «Беларуская Савецкая Энцыклапедыя» імя Петруся Броўкі, 1981. — Т. 5: Біяграфічны даведнік. — С. 588. — 720 с. — 15 000 экз.
Спасылкі правіць
- Сеньков Тит Григорьевич (руск.) // Праект «Память народа»
- Алея герояў // ДУК «Дрыбінская бібліятэчная сетка»
- Людмила Свириденко Снайпер-штурман бомбардировочного авиационного полка из Старокожевки сражался за Великую Победу (руск.) // Інфармацыйны партал Дрыбінскага раёна
- Сведения о выдающихся жителях Могилёвской области, которые внесены в Книгу славы Могилёщины по итогам 2007 года (руск.) // Сайт Магілёўскага аблвыканкама