Чырвоная Зара (Хойніцкі раён)

Чырвоная Зара
Краіна	Беларусь
Вобласць	Гомельская
Раён	Хойніцкі
Сельсавет	Паселіцкі
Каардынаты	51°50′47″ пн. ш. 30°06′47″ у. д.HGЯO
Першая згадка	1839 год
Ранейшыя назвы	Карнеліянаў
Насельніцтва	▼0 чал. (2004);
СААТА	3254836041

Чырво́ная Зара́^[1] (трансліт.: Čyrvonaja Zara, руск.: Чирвоная Заря) — былы пасёлак у Хойніцкім раёне Гомельскай вобласці. Уваходзіў у склад Паселіцкага сельсавета.

Гісторыя правіць

Фальварак Карнеліянаў на тапаграфічнай карце 1846 г. А. К. Фіцінгофа.

Запіс аб смерці і пахаванні шляхетнага Ігнацыя, сына Адама, Стравінскага.

Пасёлак Чырвоная Зара на карце генштаба РККА Беларусі і Літвы. 1935 г.

На тапаграфічнай карце Мінскай губерні А. К. Фіцінгофа 1846 года на месцы будучага пасёлка савецкіх часоў Чырвоная Зара паказаны фальварак Карнеліянаў. Але, паводле Віктара Гілеўскага, у метрычных кнігах Мікуліцкай царквы гэты фальварак згаданы яшчэ ў 1839 годзе, калі там нарадзіўся Канстанцін, сын Ігнацыя Ігнацыевага і Аляксандры Іванавай з роду брагінскіх Скараходаў Стравінскіх^[2]. Ёсць звестка пра Карнеліянаў і ў метрычных кнігах Астраглядаўскага касцёла на кастрычнік 1849 года: тут ва ўзросце 68 гадоў памёр шляхетны Ігнацы, сын Адама, Стравінскі, пахаваны ксяндзом Францішкам Пазняком на парафіяльных могілках^[3]. Нябожчык быў дзедам Фёдара Ігнацыевіча Стравінскага, артыста Марыінскага тэатра ў Пецярбургу, і прадзедам кампазітара Ігара Фёдаравіча Стравінскага^[4].

Пасёлак заснаваны ў 1920-я гады перасяленцамі з суседніх вёсак на былых фальваркавых землях. У 1930 годзе жыхары пасёлка ўступілі ў калгас. Паводле перапісу 1959 г. — 52 жыхары. У складзе калгаса «Бальшавік» (цэнтральная сядзіба ў вёсцы Веляцін).

Ліквідаваны 2 лістапада 2009 года^[5].

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ Віктар Гілеўскі. Стравінскія. Ад беларускіх каранёў. // Маладосць. 11/2019. С. 78
↑ НГАБ у Мінску. Ф. 1089. Воп. 1. Спр. 3. А. 82адв.
↑ [1]
↑ «Об упразднении сельских населенных пунктов на территории Хойникского района». Решение Хойникского районного Совета депутатов от 2 ноября 2009 г. № 41 Архівавана 2 жніўня 2021. (руск.)

Літаратура правіць

Гарады і вёскі Беларусі: Энцыклапедыя. Т. 2, кн. 2. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2005. — 520 с.: іл. — 4 000 экз. — ISBN 985-11-0330-6.

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

[2] Віктар Гілеўскі. Стравінскія. Ад беларускіх каранёў. // Маладосць. 11/2019. С. 78

[3] НГАБ у Мінску. Ф. 1089. Воп. 1. Спр. 3. А. 82адв.

[4] [1]

[5] «Об упразднении сельских населенных пунктов на территории Хойникского района». Решение Хойникского районного Совета депутатов от 2 ноября 2009 г. № 41 Архівавана 2 жніўня 2021. (руск.)

[1]

[2]

[3]

[4]

[5]