Эгер

Эгер (венг.: Eger) — горад на паўночным усходзе Венгрыі, адміністрацыйны цэнтр медзье Хевеш. Насельніцтва — 56 429 чалавек (2009).

Горад Эгер венг.: Eger Герб Сцяг Краіна Венгрыя Каардынаты 47°53′56″ пн. ш. 20°22′29″ у. д. Кіраўнік Ákos Vágner[d] Плошча 92 км² Вышыня цэнтра 165 ± 1 м Водныя аб’екты Eger Stream[d] Насельніцтва 56 317 чалавек (2005) Часавы пояс UTC+1, летам UTC+2 Тэлефонны код 96 Паштовы індэкс 3300 Афіцыйны сайт eger.hu (венг.) Эгер на карце Венгрыі

Медыяфайлы на Вікісховішчы

Гісторыя

У XI стагоддзі кароль Іштван I заснаваў у падножжа гор Бюк біскупства, з якога вырас Эгер. У 1241 годзе яго амаль цалкам разбурылі татара-манголы. Пазней на прыгонным узгорку была адбудавана біскупская рэзідэнцыя, а ў даліне ракі Эгер — новы горад. У 1552 годзе туркі ў першы раз паспрабавалі захапіць горад, але беспаспяхова. Аднак у 1596 годзе крэпасць усё ж апынулася ў руках ворага, і Эгер на 91 год трапіў пад уладу турак. Тым часам у горадзе будуюцца мячэці, лазні і мінарэты, якія захаваліся дагэтуль. Пасля сыходу турак Эгер ізноў стаў біскупскім горадам. У той жа час і з’явіліся пабудовы ў стылі «эгерскага барока», якія вызначаюць сёння аблічча горада.

Эгер — бастыён він

Горад яго ваколіцы — знакаміты гістарычны вінаробны раён Венгрыя. Жыхары амаль 1000 гадоў займаюцца вырошчваннем вінаграду і вытворчасцю такіх знакамітых вінаў, як Эгерская Бычыная Кроў, Эгерская Леанька, Харшлавелю з Дэврэ. Пасля змены рэжыму Эгерскі вінаробны раён стаў вельмі хутка развівацца. Плошча вінаградных плантацый значна ўзрасла дзякуючы перанасаджэнню традыцыйных і новых гатункаў на найлепшыя капальні (Надзь-Эгед, Пайдаш). Укаранілі дзейсную ў новых заходніх вінных культурах сістэму АОС. Апроч ужо дзейснага дзяржаўнага вінаробнага завода стварылі некалькі сотняў маленькіх і сярэдніх, якія сталі вельмі хутка развівацца. Дзякуючы гэтаму значна павялічылася якасць прадукцыі. Узрост самых старадаўніх вінных скляпоў перавышае 400 гадоў, але і ў нашы дні працягваецца будаўніцтва новых.

Геаграфія і транспарт

Горад размешчаны прыкладна за 130 кіламетраў на паўночны ўсход ад Будапешта. У Эгер вядзе чыгуначная лінія ад магістралі Будапешт — Мішкальц. Горад злучаны рэгулярнымі аўтобуснымі і чыгуначнымі рэйсамі з Будапештам і іншымі гарадамі. На цягніку і аўтобусе да Будапешта —2-2,5 гадзіны.

Славутасці

• Крэпасць
• Дом камітата
• Сабор Св. Іаана
• Архібіскупскі палац
• Царква Св. Антонія
• Мінарэт
• Цыстэрыянская царква
• Бібліятэка

Гарады-пабрацімы

•  — Чэбаксары, Расія
•  — Эслінген, Германія
•  — Гэйнсвіл, Джорджыя, ЗША
•  — Геаргені, Румынія
•  — Кутна-Гора, Чэхія
•  — Макон, Францыя
•  — Памукале, Турцыя
•  — Поры, Фінляндыя
•  — Пшамысль, Польшча
•  — Сарцана, Італія
•  — Аркалык, Казахстан
•  — Мукачава, Украіна

Вядомыя асобы

• Геза Кадаш

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 43. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• На Вікісховішчы ёсць медыяфайлы па тэме Эгер
• Афіцыйны сайт горад (венг.)