Этылбензол

Этылбензо́л, фенілэтан — арганічнае рэчыва класа вуглевадародаў, C₆H₅CH₂CH₃.

Этылбензол
Агульныя
Хім. формула	C8H10
Фізічныя ўласцівасці
Малярная маса	106.167 г/моль
Шчыльнасць	0,8665 г/см³
Тэрмічныя ўласцівасці
Тэмпература плаўлення	-93,9 °C
Тэмпература кіпення	136,2 °C
Хімічныя ўласцівасці
Растваральнасць у вадзе	0.15 г/100 мл
Класіфікацыя
Рэг. нумар CAS	100-41-4
PubChem	7500
Рэг. нумар EINECS	202-849-4
SMILES	c1ccccc1CC
RTECS	DA0700000
ChemSpider	7219

Уласцівасці

Бескаляровая вадкасць з пахам бензолу. Амаль нерастваральная ў вадзе, раствараецца ў спірце, бензоле, эфіры, чатыроххлорыстым вугляродзе. Тэмпература плаўлення -93,9 °C. Тэмпература кіпення 136,2 °C. Шчыльнасць 0,8669 (пры тэмпературы 20 °C, адносна вады пры 4 °C).

Атрыманне

Этылбензол змяшчаецца ў нафце і каменнавугальнай смале. У прамысловасці атрымліваюць галоўным чынам з бензолу і этылену (па рэакцыі Фрыдэля — Крафтса). Другі па значнасці метад — вылучэнне з С8-фракцыі прадуктаў рыформінгу.

Выкарыстанне

Этылбензол выкарыстоўваецца ў якасці сыравіны ў вытворчасці стыролу, растваральніка, дабаўкі да маторнага паліва (павышае актанавы лік бензіну).

Шкоднае ўздзеянне

Этылбензол аказвае раздражняючае ўздзеянне на скуру, выклікае сутаргі.

Літаратура

• Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 184. — 472 с. — 10 000 экз. — ISBN 985-11-0295-4 (Т. 18 Кн. 1).
• Хімічны слоўнік навучэнца: Дапам. для вучняў / Б. Н. Качаргін, В. М. Макаррэўскі, Л. Я. Гарнастаева, В. С. Аранская. — Мн.: Народная асвета, 2003. — С. 283. — 287 с. — 1 000 экз. — ISBN 985-12-0621-8.

Спасылкі

• Этилбензол (руск.) — артыкул з Вялікай савецкай энцыклапедыі
• Артыкул на сайце ХиМиК.ру (руск.)
• Артыкул на сайце ХиМиК.ру (руск.)
• На Вікісховішчы ёсць медыяфайлы па тэме Этылбензол